Lazarettu

Intrata maestra di u lazarettu di Portu Mahon (isuli Baleari).

U lazarettu era un stabilimentu di missa in quarantina di i passaghjeri, equipaghji è marcanzii in pruvinienza di porti induva infiiria a pesta. À i ghjorna d'oghji a parola disigna dinò uni pochi di loca ditti annantu à u litturali mediterraniu induva un lazarettu, attualmenti sparitu, era statu stabilitu.

Etimulugia è storia

A parola " lazarettu ", disignendu un spidali, tiraria a so urighjini da u nomu di " Lazaru ", prutagonistu di una parabula di u Vanghjeliu siont'è Lucca.

Difatti, par insignà a carità, Ghjesù ci discrivi a storia di un povaru numinatu Lazaru, è di un gattivu riccu : u povaru, cupartu à ulceri è murendu di fami, campa in carrughju, à a porta di a dimora di u riccu. Avaria vulsutu bè sazià si di ciò chì cascava da a tola di u riccu, chì facia bamboscia, ma nimu ùn li ni dava. U povaru morsi è, dici Ghjesù, fù carriatu à u Celi. U riccu morsi dinò è fù inttarratu. Ma, in l'Aldilà, si ritruvò in Infernu è cunnuscì suffrenzi è strazii chì ùn s'era micca primuratu di a sorti di u misareddu chì era à a so porta.

'Ssu San Lazaru imaginariu, invintatu par u bisognu di una parabula, hè prestu statu cunfusu incù un antru San Lazaru, Lazaru di Betnia, amicu di Ghjesù, chì saria statu u frateddu di Marta è di Maria.

Più dopu, a parsona chjamò " lazarettu ", ogni stabilimentu induva a parsona mittia in quarantina i malati cuntagiosi (lepra, pesta o culera).

In tedescu è in russiu, 'ssa parola significheghja " spidali militarescu " o " infirmaria di campagna ". In inglesu, a parola d'urighjini veneta lazaretto hè apradatu par disignà un lazarettu, mentri chì a parola pest house disigna una casa di quarantina situata in altrò chì in un portu.

Asempii

In Corsica

I ruvini di u lazarettu di l'isuli Sanguinari, annantu à l'isula Mezu Mari, custruitu in u 1802

• U lazarettu d'Asprettu, in Aiacciu.
• U lazarettu di l'arcipelagu di i Sanguinarii, à a larga di Aiacciu: a custruzzioni di 'ssu lazarettu hè stata urdinata da Nabulionu Bonaparte in u 1802. Era distinatu à accoglia i piscadori di curaddu chì vultavani da l'Africa di u Nordu, chì era chjamata tandu a Barbaria.

In u mondu

• U lazarettu di Tracadia, in Acadia.
• U lazarettu Dhar Lamhalla, quartieri d'Oujda, in Maroccu.
• U lazarettu di Ragusa di Dalmazia, in Croazia.
• I trè lazaretti di u portu di Livornu, in Tuscana, - San Rocco, San Giacomo è San Leopoldo.
• U lazarettu d'Ancona.
• U lazarettu di Ghjenuva.
• U lazarettu di Napuli, situatu annantu à l'isula di Nisida in u golfu di Puzzola.
• U lazarettu di San Carlo à Triesta.
• U lazarettu di Varignanu, vicinu à u portu di A Spezia.
• U lazarettu di l'isula Saint-Michel in a cala di u portu di Lorient, in Francia.
• U lazarettu d'Arenc, in Marseglia, in Francia.
• U lazarettu di u portu di Mahón, annantu à l'isula di Minorca.
• U lazarettu di Tor, in u Sinai.
• U lazarettu di Conakry in Guinea.
• U lazarettu di Dakar à u Senegali.

Liami

• L'isula di Mezu Mari metti in manu i sicreti di u so patrimoniu architittatu, articulu di Corse-Matin, 26 lugliu di u 2011