Pasqua pifania

A Pasqua pifania hè una festa cristiana chì cilibreghja a prisintazioni di Ghjesù à i trè Rè Magi. Si teni u 6 ghjinnaghju. Pifania hè una parola d'urighjina greca, Ἐπιφάνεια Epiphaneia chì significheghja « manifistazioni »(da u verbu φάινω phainô, « manifistà si » ).

U sensu cristianu di a festa

In a ghjesgia latina

'Ssa festa cilibreghja a visita à Ghjesù fatta da i rè magi: Baltazaru, Melchioru et Gasparu.

In certi paesi, a cilibrazioni liturgica di a festa hè attimpata à a dumenica, par parmetta à la ghjenti d'andà à a messa di cilibrazionni. In Francia par asempiu, 'ssa festa hè cilibrata a siconda dumenica dopu à Natali. In iSpagna, a cilibrazioni di a Pasqua piufania hè impurtantissima :hè una festa di famiglia, ancu più ch'è Natali.

In i ghjesgi bizantini

A festa cilibreghja u battezimu di Cristu in u Ghjurdanu.

In certi paesi di tradizioni bizantina, una croci hè tirata in un fiumu o in mari et i ghjuvanotti a devini truvà in acqua fresca è vultà la.

In a ghjesgia arminiana

A festa hè una di i più grandi festi di l'annata, parchì Natali ùn hè micca affistatu u 25 dicembri ma, sicondu un usus cristianu anticu, u 6 ghjinnaghju.