Italia

Republica Taliana Repubblica Italiana
Lingue ufficiali	Talianu
Capitale	Roma  (2.711.476 ab. / 2007)
Pulitica
Forma di guvernu	Republica parlamentare
Presidente	Giorgio Napolitano
Presidente di u Cunsigliu di i Ministri	Mario Monti
Indipendenza	u 17 di marzu 1861
Entrata in l'ONU	u 14 di dicembre 1955
Entrata in l'UE	u 25 di marzu 1957
Superficia
Tutale	301.338 km²
Acque	2,4 %
Pupulazione
Tutale	60.325.805 ab.
Densità	200,2 ab./km²
Geografia
Cuntinente	Europa
Fusu orariu	UTC +1
Ecunumia
Muneta	Euro
PIL (PPA)  (2007)	2.104.666 milioni di $  (7°)
PIL procapite (PPA)  (2007)	35.872 $  (21°)
ISU  (2007)	0,941 (alto)  (20°)
Varie
Duminiu internet	.it
Indicativu telefonicu	+39
Siglu autom.	I
Innu	U Cantu di i Taliani
Festa naziunale	2 di ghjugnu

L'Italia, officialmente a Repubblica Italiana ("Republica Taliana"), hè unu statu di l'Europa meridiunale. Cunfina à l'uvestu cù a Francia, à u nordu cù a Svizzera è l'Austria è à l'estu cù a Sluvenia. In u sò territoriu ci sò dui stati indipendenti: San Marinu è a Cità di u Vaticanu. Hè dinù taliana a cumuna di Campione d'Italia in Svizzera. A capitale hè Roma. L'Italia muderna hè unu statu dapoi u 1861 è una republica dapoi u 1946.

U territoriu hè furmatu da u versante sudu di l'Alpi, da a pianura padana è veneta, da a penisula taliana prutesa in u Mare Terraniu, da dui isule principali (Sicilia è Sardegna) è da altre isule minori. I Taliani adupranu qualchì nome per chjamà a sò patria: la Penisola ("a Penisula", per antonomasia), lo Stivale ("u Stivale", per a sò forma speciale) è il Belpaese ("u Bellu Paese", per a bellezza è a varietà di i paisagi è di l'opere artistiche).

L'abitanti sò à pocu pressu 60 milioni, cù una densità di 196 abitanti per km².

L'arricata di l'Italia à a civilisazione di l'Occidente hè immensa: l'Imperu Rumanu è u Rinascimentu ne sò esempii. Oghje l'Italia hè una democrazia soda, hè a sesta putenza ecunomica in u mondu è participeghja attivamente à e relazioni internaziunali: difatti hè membru fundadore di l'Unione Europea, di a NATO, di u Cunsigliu di l'Europa è di l'Unione Europea Occidentale, aderisce à e Nazioni Unite (in u biennu 2007-2008 ne hè membru di u Cunsigliu di Sicurezza) è face parte di u G8.

Etimolugia di u nome

L'etimulogia di u nome, siconda una tesi, deriva da u grecu italós, che significa toru come forma impuculisca di l'Umbru vitlu (vitellu). Tale etimulogia di urighjine greca significa "terra di u vitellu".

Geografia pulitica

D'un puntu di vista amministrativu a Republica Taliana hè divisa in 20 regioni (regioni). E regione sò divise in pruvincie (province), chì sò 110, è e pruvincie sò divise in cumune (comuni), chì sò 8101.

Lista di e regione taliane, incù u nome di u capilocu:

• Valle d'Aosta, Aosta

• Piemonte, Torinu

• Liguria, Genuva

• Lumbardia, Milanu

• Trentinu è Altu Adige, Trentu

• Venetu, Venezia

• Friuli è Venezia Ghjulia, Trieste

•  Emilia è Romagna, Bologna

• Toscana, Firenze

• Umbria, Perugia

• Marche, Ancona

• Laziu, Roma

• Abruzzu, L'Aquila

• Molise, Campubassu

• Campania, Napuli

• Puglia, Bari

• Basilicata, Putenza

• Calabria, Catanzaru

• Sicilia, Palermu

• Sardegna, Cagliari

Referenze

• Regioni taliane
• Pruvincie taliane

Ligami

• Presidenza di a Republica
• Guvernu
• Parlamentu
• Purtone naziunale di u turismu

	I stati membri di l'Unioni Auropea
Austria - Belgica - Bulgaria - Cecchìa - Cipru - Croazia - Danimarca - Estonia - Finlandia - Francia - Ghjermania - Grecia - Irlanda - Italia - Lettonia - Lituania - Lussemburgu - Malta - Paesi Bassi - Polonia - Portugallu - Romania - Sluvacchia - Sluvenia - Spagna - Svezia - Ungheria