Ghjira

A ghjira
Glis glis
Classificazioni scentifica
Regnu	Animalia
Divisioni	Chordata
Classa	Mammalia
Ordini	Rodentia
Famiglia	Myoxidae
Genaru	Glis
Nomu binuminali
Glis glis Linnaeus, 1753

A ghjira (Glis glis) hè un tipu di mammiferu chì faci parti di a famiglia di i Myoxidae. Hè longu da 15 à 20 cm. A coda hè longa 14 cm. Pesa da 100 à 250 grammi. A ghjira hè prisenti in Auropa è ancu in Asia cintrali.Si scontra in u nordu di a Turchia, in Corsica, in Sardegna è in Sicilia. Hè assenti di a facciata altlantica di a Francia è di i grandi piani di u Nordu di l'Alimania. Ùn ci hè micca nemmenu in Scandinavia.

A ghjira esci di notti, ma si ò ussirvà quantunqua duranti u ghjornu in i sapari. S'assumiglia a u scuriolu, ma hè più chjuca.

A ghjira pò perda a so coda quand'edda hè chjappa. Hè par quissa chì si pò veda à spessu di 'ss'animali chì t'ani a coda tronca.

A ghjira manghja baghi, ghjandi, fiori, castagni è frutti, ma ancu ovi d'aceddi è insetti.

In Corsica

A ghjira hè prisenti in Corsica. Si trova piuttostu in i furesti. Esisti in Corsica una spezia endemica incù a Sardegna: glis glis meloni.

Rifarenzi

• Orsini, P. Parcu Naturali Rigiunali di Corsica, 1987, I mammiferi in Corsica (in francesu)

Da veda dinò

• i mammiferi di Corsica
• u topu mascaratu