Rè Magi

I Rè Magi, vinuti da a Persia, cù i so vistiti tradiziunali

In a tradizioni cristiana i Rè Magi (o Rè Maghi) sò parechji magi, chì sicondu u Vangelu di Matteiu giunsini da l'Orienti a Ghjerusalemma par adurà u Bambinu, u rè di i Ghjudei, chì era appena natu. I magi viniani da a Persia. è funi i primi parsunaghi riligiosi ad adurà Ghjesù.

U racontu di Matteiu

U Vangelu di Matteiu hè l'unicu testu biblicu chì discrivi 'st'episodiu. Sicondu u racontu evangelicu, i Magi, à u so arrivu in Ghjerusalemma, fecini visita prima à Erodu, u rè di a Ghjudea, chirendu ind'eddu era "u rè chì era appena natu", chì aviani vistu nascia a so stedda.

U strattu di Matteiu ùn priciseghja micca inveci u numaru di rè magi, ma sicondu a tradizioni, erani trè. 'Ssa tradizioni hè basata annantu à u fattu chì ci erani trè doni: l'oru, l'incensu è a mirra. Ma u testu uriginali mintuveghja solu parechji Magi da l'Orienti (μαγοι απο ανατολων). I so nomi erani: Gasparu, Melchioru è Baltazaru.

U significatu di u tarmini 'magi'

Magi hè a traslitterazioni di u tarmini grecu magos (μαγος, plurali μαγοι). Si tratta di un titulu riferitu specificamenti à i re-sacirdoti di u Zoroastrisimu tipichi di l'ultimu periodu di l'imperu persianu.

L'Adurazioni di i Magi di u Beato Angelico è di Filippo Lippi

"I trè rè pagani sò stati chjamati Magi micca parchì eddi erani virsati in l'arti magichi, ma piuttostu pa a so grandi cumpitenza in a disciplina specifica di l'astrulugia.

Ind'è Erodotu l parola magoi era assuciata a i parsunaghji di l'aristucrazia di a Media è in particulari, à i sacirdoti astronomi di a riligioni zoroastriana.

Ancu s'è u sustantivu maschili magi (μαγοι) è statu usatu parechji volti in riferimentu a una donna (par asempiu in l'Antulugia Palatina è in Luciano di Samosata), l'appartinenza à a classa di i magi era risirvata à i masci adulti. L'antichi magi erani persiani.

A stedda chì attraversa u celi, ch'è a lighjenda è l'icunugrafia indicani com'è a Stedda di Betelemma hè riprisintata à spessu com'è una cometa dutata di coda. In u racontu evangelicu, a stedda ùn hè micca l'unicu segnu à idantificà a piccula cità di Betelemma.

Da veda dinò

• Natali
• rè