Ciuvodda (tipugrafia)

U carattaru tipugraficu @ hè chjamatu "ciuvodda" (o civolla o ancu ciudda). 'Ssu neulugisimu hà cuminciatu à essa adupratu in Corsica di manera spontanea in l'usu pupulari. U nomu corsu veni di l'assumiglia di u simbulu tipugraficu incù una ciuvodda. A "ciuvodda" s'usa principalementi in u currieri elittronicu. Hè aduprata par siparà u nomu di u titulari da u nomu di duminiu, in un adrizzu elittronicu. L'@ hè cunnisciuta dinò com'è "chiocciola" o "chiocciolina" in talianu, è com'è "at" in inglesu. Graficamenti, a "ciuvodda" ripprasenta un'a stilizata incù un ricciulu. Hè da quì chì veni l'assumiglia incù a "chiocciola" in talianu, un molluscu. U codici binariu chì hè usatu par idantificà a "ciuvodda" hè 01000000.

Storia di @

L'evuluzioni iputetica è crunulogica di @

U carattaru @ nacqui à i tempi di Roma antica com'è un'unioni stilizata di i lettari "a" è "d" minusculi chì formani a parola ad (veni à dì "versu"'); u simbulu era adupratu à l'iniziu in i testi di cuntabilità è in ducumenti simili, par rifariscia si à un'indicazioni di locu. Sicondu i marcanti di Venezia @ era un segnu chì rapprisintava l'anfura, chì era usata tandu com'è misura di pesu è capacità. In u corsu di i seculi, i populi anglufoni mudifichetini u significatu di l'@ da "ad à at. Cusì l'@ fù diffusa di manera più larga è fù aduprata in particulari da a posta.

L'@ era prisenti in a mascina par iscriva Lambert di 1902, chì hè stata prudutta da a Lambert Typewriter Company di New York è in l'IBM Selectric di 1961. In 1963 l'@ hè stata inclusa in l'insemi origiinali di i carattari ASCII. Incù u sviluppu di i tennulugii muderni è l'invinzioni di l'urdinatori, a "ciuvodda" divinteti un simbulu guasi esclusivamenti informaticu]] chì hà cunsirvatu u significata datu li da l'inglesi.

Da veda dinò

• a ciuvodda