Simon Vinciguerra

Simon Vinciguerra, di u so veru nome Simon-Jean Vinciguerra era un autore, pueta è omu puliticu corsu natu u 12 di nuvembre di u 1903 à A Petra di Verde è mortu u 18 di nuvembre 1971 in Bastia.

Biogafia

Dopu à una scularità in u so paese nativu, hè andatu à u liceu di Bastia. Dopu hà fattu studii di storia à l'università d'Ecchisi. Hà ottenutu u so DES (diplomu di studii superiori nant'à a Corsica rumana.

In u 1934 volta in Bastia per insignà a storia è a geugrafia à u liceu di Bastia (diventatu oghje un cullegiu chì porta u so nome : cullegiu Simon Vinciguerra). Ci hè statu sin'à a so ritirata in u 1964^[1].

Hà scrittu parechje pezze di teatru è puesie in lingua corsa cù u cugnome di Ghjuvanni di a Grotta, publicate in e riviste A Muvra (sin'à chì a linea edituriale diventi cumplettamente facista è antisemita) è dopu in U Muntese. Hà dinù cumpostu a musica di e so pezze di teatru. Hè cusì chì Simon Vinciguerra hè statu un primi difensori di a literatura in lingua corsa^[2].

Omu di manca, s'hè ingagiatu in pulitica à u cumitatu anti facistu di Bastia in u 1936 è ne hè statu unu di i più impurtanti animatori. Diventa unu di l'animatori di a resistenza è entra à u Front National. Traduce in lingua taliana i stampini distribuiti à i suldati taliani chì occupanu a Corsica in u 1942, per circà di cunvinceli di smubilizalli. Participeghja à e neguzazione segrete cù u cummandante di e camisge nere in Bastia in u 1943. Quandu in u 1943 a Corsica entra in insurrezzione contr'à l'occupante alemanu, hà ghjucatu un rollu impurtante in Bastia. Direge l'assaltu di a prefettura contr'à l'Alemani^[3]^[4].

Dopu hè statu un membru attivu di u Partitu cummunistu francese. Hè statu cunsiglieru municipale di a cità di Bastia.

Omagiu

L'anzianu Vechju Liceu di Bastia porta u so nome dapoi u 1993.

Fonte

↑ Simon-Jean Vinciguerra, publicatu da l'ANACR, Association nationale des anciens combatants de la Résistance, Stamperia Sammarcelli, 1995
↑ Dictionnaire historique de la Corse (cullettivu, sott'à a direzzione di Antoine-Laurent Serpentini, Albiana, 2006.
↑ https://maitron.fr/spip.php?article180608
↑ https://7200624r.esidoc.fr/site/qui-etait-simon-vinciguerra

[1] Simon-Jean Vinciguerra, publicatu da l'ANACR, Association nationale des anciens combatants de la Résistance, Stamperia Sammarcelli, 1995

[2] Dictionnaire historique de la Corse (cullettivu, sott'à a direzzione di Antoine-Laurent Serpentini, Albiana, 2006.

[3] ttps://maitron.fr/spip.php?article180608

[4] ttps://7200624r.esidoc.fr/site/qui-etait-simon-vinciguerra

[1]

[2]

[3]

[4]