Sapara turchina

À prupositu di Wikipedia
Jump to navigation Jump to search

A sapara turchina hè una sapara marittima longa 43 metri incù una prufundità sin'à 40 metri, aggruvigliata incù altre sei sapare successive.[1] Si trova vicinu à Wied iż-Żurrieq à u sudu di Żurrieq à u sudupunente di l'isula di Malta. A sapara hè un locu turisticu reputatu per a so acqua turchina è verdeturchesa d'una trasparenza assoluta offrendu una visione perfetta di i fondi sottumarini è di a fauna è a flora chì a populeghjanu.

Storia[mudificà | edità a fonte]

U Wied iż-Żurrieq fù prima un picculu portu di pesca incù uni pochi di battelli insin'à l'anni 1950. Sò prima i residenti o i turisti inglesi chì, vinuti à bagnà si in u wied, piglionu l'abitudine di chere à i piscadori spassighjate in mare. A dumanda essendu in crescita incù u turismu, l'auturità marittime messenu in piazza una rigulamintazione, un cuntrollu di i battelli è di i mutori, materiale d'equipagiamentu è di salvamentu, asamina è permessu da sfruttà. In 1958, quessa cuncirnava tandu ottu battelli di pesca, po' dodici in u 1962 è 59 licenzie sò accurdate per u 1964. Davanti l'inflazione di i battelli in u picculu portu, i licenziati s'organizeghjanu è creanu u Blue Grotto Boat Service, limitendu u sfruttamentu à un massimu di 25 battelli in sirviziu da ghjornu più trè battelli di sicurezza. Dapoi quella epica, l'organisazione ùn è micca stata cambiata[2].

Note[mudificà | edità a fonte]

  1. 'Ss'articulu pruvene in parte da l'articulu currispundente di a wikipedia in francese.
  2. situ officiale di u Blue Grotto Boat Service cunsultatu u 8 di dicembre di u 2013

Da vede dinù[mudificà | edità a fonte]

Ligami esterni[mudificà | edità a fonte]