Santa Lucia
Santa Lucia (Siracusa, 7 di marzu 283 - Siracusa, 13 di dicembre 304), vergine è martire cristhiana, marturiata durante a persecuzione di Dioclezianu].
Biugrafia
[mudificà | edità a fonte]Lucia era di nobili famiglia. A legenda conta che so mamma era malata è Lucia pricò a Vergine Maria, chidendu u miraculu è so mamma guarì. Lucia si cunsacrò à a Vergine Maria è, pè alluntanà tutti i pritindenti, si strappò l'ochji è i gitò in mari. Si didicò à a prighera è à aiutà à l'altri. A Vergine Maria ricumpinsò a so divuzioni è li resi a vista.
Dinunziata cum'è cristiana, da un giuvanottu innamuratu chi era statu rispintu, hè stata cundannata à fà a vita di e prustitute, ma restò ferma cum'è una culonna. Anu pruvatu à brusgialla, ma e fiame si alluntanavanu. Un'altra legenda dice chì, per fassi goffa, si sradicò l'ochji è i mandò à u so innamuratu, nant'à un piattu.
A salma di Santa Lucia hè stata purtata da Siracusa in Custantinopuli è da Custantinopuli in Venezia.
Paesi e prutezione
[mudificà | edità a fonte]Paesi in Corsica: Santa Lucia di Mercuriu, Santa Lucia di Moriani, Santa Lucia di Tallà. Santa Lucia ha a riputazione di guarì l'ochji malati. Ancu oghje si prega: Chì San Lucia ci cunservi a vista! In Parigi, Lucia hè a santa patrona di i sartori.