Pittura di u doge Luca Giustiniani da Cornelis de Wael
A pittura di u doge Luca Giustiniani da u pittore Giovanni Hovart hè un'opera ch'ellu si pò vede à u Museu di Bastia.[1] Hè una pittura fatta nant'à tela (130 x 96 cm), fatta trà 1644 è 1646.[2]
Rapresenta Luca Giustiniani chì hè statu u 107u doge di a Republica di Ghjenuva, trà 1644 è 1646.
U doge era u persunagiu u più impurtante di a Republica di Ghjenuva. Era elettu per dui anni. Hè ellu chì direge a Republica di Ghjenuva, è chì face appiegà e lege è e decisione pigliate da u guvernu.
Luca Giustiniani hè rapresentatu cum'è un rè. Hà parechji attributi d'un rè: un mantellu d'ermellinu, una curona nant'à u capu, è tene un scettru in a so mane diritta.
In u 1637, a Republica di Ghjenuva face di a Corsica un reame ("regno"), pè ragione diplomatiche. Tandu, u doge di Ghjenuva porta u titulu simbolicu di "Rè di Corsica". Bastia diventa a capitale di stu reame.
Infurmazione
[mudificà | edità a fonte]Numeru d'inventariu : MEC.2016.1.1
Note
[mudificà | edità a fonte]- ↑ https://pop.culture.gouv.fr/notice/joconde/03290034462.
- ↑ Elisabeth Cornetto et Sylvain Gregori, Bastia, une histoire revisitée catalogue des collections permanentes exposées, Musée de la Ville de Bastia, 2011. ISBN: 9782953641325.