Palazzu Caraffa
U Palazzu Caraffa, o Casa Caraffa hè un casale situatu in u centru storicu di Bastia, à u principiu di u carrughju Chanoine-Letteron (carrughju Drittu), in u quartieru di Terravechja.
Hè una casa patrizia chì appartene à a famiglia Caraffa. Dapoi u 2002 appartene à a cumuna di Bastia.[1]
Storicu
[mudificà | edità a fonte]
A facciata di a casa (o palazzu) Caraffa hè a più alta di Bastia. À l'orìgine era una casa burghese, custruita in u 1612 da a famiglia Petroni. Versu u 1680, a casa Petroni hè stata aduprata cum'è basa di una casa impurtante custruita da Anton Bastianu Caraffa, un riccu nutabile bastianu.
U palazzu hè statu ingrandatu in u 1775 da Ghjuvan Battista de Caraffa, chì hè statu merre di Bastia in u 1789.
Un giardinu botanicu hè statu accunciatu in u 1865.[2]
U palazzu hè scrittu cum'è munumentu storicu dapoi u 2009.[3]
Trasferitu in u 2002 da a famiglia Bronzini de Caraffa à a cumuna di Bastia, hè previstu ch'ellu sia risturatu,[1].
Descrizzione
[mudificà | edità a fonte]
À u pianu di a terra c'eranu butteghe, cantine è una tanneria. À u primu pianu eranu allughjati i cummercianti è l'impiegati.
À u terzu livellu si trovanu l'appartamenti di ricezzione, spaziosi è fatti di volte. Ghjè à stu pianu ch'elli si trovanu i balconi in muratura. U purtone di u numeru 2 dà direttamentu accessu à stu pianu cù una grande scala.
A stanza più bella hè un grande salottu cù una volta pinta in trompe-l'oeil. Accoglie ancu una di e più belle bibliuteche private di a cità.
Ci hè dinù una cappella, decurata versu u 1770.
Da u latu di u carrughju, ci sò parechje camere, cum'è u salone Wurtenberg, chjamatu cusì dopu chì u duca Ludwig von Wurtenberg sia statu l'invitatu di a famiglia in u 1741.
Galleria
[mudificà | edità a fonte]
A facciata di u Palazzu Caraffa
Entrata di u numeru 4 carrughju Letteron
Note è referenze
[mudificà | edità a fonte]Da vede dinò
[mudificà | edità a fonte]- Vechju Portu di Bastia
- Citadella di Bastia
- Piazza di u Mercatu di Bastia
- Chjesa di l'Immaculata Cuncezzione di Bastia
- San Ghjuvanni Battista di Bastia
- Museu di Bastia
- Casa Castagnola
- Palazzu di i guvernatori