Ochju di Santa Lucia
L'ochji di Santa Lucia sò simili à una petra dura; in rialtà sò a piccula porta di casa, insirita nantu à una grandi cunchiglia à forma spiralata di un mulluscu, a Bolma rugosa. Sò un portafurtuna, un talismanu, un amuletu contru à l'ochju.
Lighjenda[mudificà | edità a fonte]
Lucia era una ghjuvana siracusana di nubili famiglia. A so mamma era tocca da una malattia incurabili. Lucia pricò incù firvori a Virghjina Maria chirendu u so risanamentu. U miraculu accadì è a mamma di Lucia guarì da a malatia chì l’avarìa altrimenti cundutta à a morti.
Lucia si cunsacrò anima è corpu à a Virghjina Maria. A so didizioni era talmenti scunfinata chì, pè alluntanà tutti i pussibuli pritindenti, si strappò l'ochji è i lampò in mare. Da tandu, a ghjuvana siracusana si didicò à l'intuttu à a prighera è à aiutà l'altri.
Lucia cumpiì parechji miraculi. A Virghjina Maria, videndu tuttu quissu, a ricumpinsò di a so divuzioni: li resi a vista dunendu li ochji splendidi è lucenti.
Tradizioni[mudificà | edità a fonte]
Nantu à a rena di Corsica, si truva assà uperculi di cunchigli incù una forma attundulata. A tradizioni voli chì quiddi siini l'ochji di Santa Lucia, chì sò cunsidarati un portafurtuna è, cosa più impurtanti, chì alluntana l'ochju.