Nicolò Corso

San Sebastianu è Sant'Agustinu, opera realizata intornu à l'anni 1490, cunservata à l'Accademia Ligustica di Ghjenuva.

Nicolò Corso, cugnumatu dinù Nicolò di Lombarduccio o ancu Nicolò di la Pieve di Vico (Vicu, versu 1446 – Quarto, 1513), era un pittore talianu, d'origine corsa è natu in Corsica, in a pieve di Vicu.

Biugrafia

Figliolu d'un certu Lombarducciu, nativu di u paese di Vicu, in Corsica, Nicolò hè natu prubabilmente in Corsica in u 1446. A so carriera artistica hè attestata da u 1469 è era attivu in tutta a Liguria, in Versilia è Alessandria. In a cità piemuntese hà cullaburatu in l' anni 1480 cù u pittore Giovanni Mazone.
Travaglia parechje tenniche, cum'è a pittura à l'affrescu (nant'à i muri) è a tempera (nant'à u legnu).
Hà avutu una relazione ricca cù i frati olivetani, chì l'anu sceltu per decurà e so numerose abbazie è chjese di a cungregazione.
More in lu 1513 è lasciò qualchì pruprietà à l'abbazia di San Gerolamu di Quarto, chjesa olivetana induve avia travagliatu l'anni precedenti.
In Corsica hà forse fattu e pitture à l'affrescu di a chjesa di a cunfraterna di Brandu.

In u 2016 una di e so opere hè stata sposta à u museu di Bastia in u guatru di a mostra Corsica Genovese.

Hè cunsideratu cum'è "u più grande pittore corsu" da u situ A Piazzetta.

Bibliografia

• Cassiano da Langasco, Chiesa di S. Gerolamo di Quarto, Genova, Sagep, 1978. ISBN 88-7058-960-9.

• Giovanna Rotondi Terminiello, Nicolò Corso. Un pittore per gli olivetani. Arte in Liguria alla fine del Quattrocento, Sagep, 1986. ISBN 978-8870582048

Collegamenti esterni ‎

- Nicolò Corso nant'à l'enciclopedia Treccani.
- Nicolò Corso, u più grande pittore corsu] nant'à A Piazzetta.

Fonte

[[Categoria:Biugrafia<nowiki>Corso, Nicolò]] [[Categoria:Pittore<nowiki>Corso, Nicolò]]