Natura
A natura hè l'universu cunsideratu in a tutalità di i fenomeni è di e forze chì si manifesteghjanu in ellu, da quelli di u mondu fisicu à quelli di a vita in generale.
Storia di u cuncettu
[mudificà | edità a fonte]U termine vene da u latinu Natura è significheghja litteralmente "ciò chì hè per nasce". Hè a traduzzione latina di a parolla greca physis. U cuncettu hè statu sviluppatu dapoi i filosofi presocratici è hè diventatu l'ughjettu di a filusufia di a natura, precursore di a fisica.
Terra
[mudificà | edità a fonte]A Terra hè u locu urighjinariu di l'esseri umani, chì accoglie a vita cusì cum'è a cunnuscimu. A so superficia cuntene acqua in i trè stati (solidu, liquidu, gasosu) è una atmosfera cumposta principalmente d'azotu è ossigenu, prutetta da u campu magneticu chì circonda u pianeta contr'à i raghji cosmichi è e radiazione sulare. A so furmazione hè datata à circa 4,54 miliardi d'anni fà.
Vita
[mudificà | edità a fonte]Piante
[mudificà | edità a fonte]E piante (Plantae) sò organismi uni o pluricellulari chì cumprendenu tutti i vegetali, sottumessi à nascita, crescita, riproduzione è morte.
Animali
[mudificà | edità a fonte]L'animali cumprendenu più di 1,8 milioni di spezie d'organismi classificati, prisenti nantu à a Terra dapoi u periodu ediacaranu. Di e 1,5 milioni di spezie attuale, 900 000 appartenenu à a classa di l'insetti.
Ecosistemi
[mudificà | edità a fonte]L'ecosistemi sò custituiti da una o più cumunità d'organismi viventi (animali è vegetali) è da elementi non viventi (abiotichi) chì interagiscenu trà di elli. Una cumunità hè l'inseme di parechje pupulazione, custituite ognuna d'organismi di listessa spezia. Carl Troll, in u 1939, hà nutatu chì l'ecosistemi mustravanu una tendenza à aggregà si in cunfigurazione unitarie chjamate "paisaghji".
Ipotesi Gaia
[mudificà | edità a fonte]L'ipotesi Gaia hè a teoria avanzata da James Lovelock in u 1969, dapoi anticipata da Giovanni Kepler, secondu a quale tutti l'esseri viventi nantu à a Terra cuntribuiscenu à cumpone un vastu è unicu urganisimu (chjamatu Gaia) capace d'autoregulà si in i so varii elementi per favurizà e cundizione generale di a vita.
Naturale è artificiale
[mudificà | edità a fonte]U cuncettu più tradiziunale di a natura implicheghja una distinzione trà naturale è artificiale: cù "artificiale" s'intende ciò chì hè statu creatu da l'opera umana. A difficultà in a definizione di a natura porta à una ambiguità in u rapportu trà omu è natura. U sviluppu di a scienza è di a tecnulugia hè statu accumpagnatu da una contrapposizione ideologica trà omu è natura, induve a cunniscenza hè cunsiderata un strumentu di duminiu piuttostu chè un mezu per vive in armunia cun ella.
Prutezzione di a natura
[mudificà | edità a fonte]L'industrialisazione è l'urbanisazione criscente anu postu u prublema di a cunsirvazione di a natura in forme nove è sempri più urgenti. Frà e cause principale di a distruzzione di a natura ci sò l'inguinamentu, u sfruttamentu di e risorze naturali, l'estinzione di numerose spezie vivente è a mancanza di cultura ecològica. Dopu à a Seconda Guerra Mundiale sò nate urganisazione internaziunale per a difesa di a natura cum'è l'IUCN, u WWF, l'UNESCO è l'UNEP.