Musiculugia
A musiculugia hè una disciplina scentifica chì studieghja i finomini chì sò in rilazioni incù a musica, è s'intaressa in particulari à i so evuluzioni è i so rapporti incù l'essaru umanu è a sucità.
A musiculugia hè una disciplina universitaria, distinta da a musicugrafia.
I sottudisciplini di a musiculugia sò:
- a musiculugia sistematica: cumprendi i disciplini chì studieghani a musica in un sensu tioricu, com'è l'acustica, o l'estetica musicali;
- a musiculugia storica;
- l'etnumusiculugia: hè nata com'è "musiculugia cumparata" ed hè di fatti u studiu di a musica pupulari; si pruponi di raccoglia è di classificà i tistimunianzi musicali, insirendu li in u cuntestu di i diversi culturi è civilizazioni;
- a musiculugia applicata: hè l’applicazioni di a musica ad altri duminii, com'è par asempiu a musicuterapia, o a didattica di a musica.
Storia
[mudificà | edità a fonte]A disciplina s'hè sviluppata in a siconda mità di u XIX seculu in particulari in un cuntestu tedescu è francesu, sottu à l'influenza di u pusitivisimu. S'agisci di un cumplessu custituiti da parechji disciplini chì s'accupani di i diversi aspetti di i finomini musicali. In pratica, i musiculogi hani aduttatu i criterii è i metudulugii dirivati da i scienzi naturali.
I strumenti di i populi primitivi
[mudificà | edità a fonte]Un studiu apprufunditu di i sturmenti di i populi primitivi è a so classificazioni hè statu rializatu da u musiculogu tedescu Curt Sachs. I strumenti sò stati classificati d'appressu u so corpu vibranti è a so distribuzioni giugrafica è culturali.
Musica è mitulugia
[mudificà | edità a fonte]L'impurtanza di a musica in a cultura pò essa didutta da u studiu di i mitulugii, di i riti è di i filusufii di i diversi populi.
Musiculoghi
[mudificà | edità a fonte]- Guido Adler
- Theodor Ludwig Wiesengrund-Adorno
- Jacques Chailley
- Carl Dahlhaus
- Leopoldo Gamberini
- Charles Rosen
