Mario Rigoni Stern
Mario Rigoni Stern (natu u 1u di nuvembre di u 1921 in Asiago, in a pruvincia di Vicence in Venezia - mortu u 16 di ghjugnu di u 2008 in Asiago) hè unu di i grandi scrittori taliani di u seculu XX.[1]
Biugrafia[mudificà | edità a fonte]
Mariu Rigoni Stern hè natu in u 1921 in Asiago (pruvincia di Vicence), una cumuna marcata da un pupulamentu alser cimbru. Hè incorpuratu mentre a Siconda Guerra mundiale in un rigimentu di sciassori alpini in senu à a Divisione Tridentina in Francia, in Grecia, in Albania è in Russia.
Fattu prigiunere da l'alemani dopu a firma di l'armistiziu incù l'Alliati di settembre di u 1943, hè trasfiritu in Prussia orientale. Ghunghje à scappà, è pervene à righjunghje Asiago u 9 di maghju di u 1945. Diventatu impiigatu di u cadastru, si cunsacra à a scrittura à parte si da u 1970.
Muntagnolu amurosu di a so rigione d'origine, l'altupianu d'Asiago in a pruvincia di Vicence in Venezia, e so opere sò nustalgiche. Hà ricevutu in u 1999 u premiu PEN talianu.
U so rumanzu u più cunnisciutu hè U Sergente in a neve (1954), chì conta a girandulera d'una manata di suldati taliani, persi in Russia, à u mumentu chì e truppe tedesche è taliane si ritiranu. 'Ssu libru hè una di l'opere classiche di a litteratura cuntimpuranea taliana.
Primo Levi hà dettu di ellu : "Omu trova raramente simule cuerenza trà l'omu chì stà è l'omu chì scrive, simule densità di scrittura."
Mariu Rigoni Stern hè mortu di ghjunghju di u 2008.
Astiroide[mudificà | edità a fonte]
U nome di u scrittore hè statu datu à l'astiroide (12811) Rigonistern, scupertu in u 1996[2].
Note[mudificà | edità a fonte]
- ↑ 'Ss'articulu pruvene in parte da l'articulu currispundente di a wikipedia in francese.
- ↑ in JPL Small-Body Database Browser
Ligami[mudificà | edità a fonte]
Bibliugrafia[mudificà | edità a fonte]
- Jean-Paul Engélibert, A Guerra è a pietà. Omini è bestie in une poche di opere di Mario Rigoni Stern, in Jean-Paul Engélibert, Lucie Campos, Catalina Coquio è Ghjorghju Chapouthier, A Quistione animale, trà scenza, litteratura è filusufia. Rennes, 2011.
- Emira Gherib, Spaziu intimu, spaziu cumunu : Mariu Rigoni Stern scrittore trà guerra è pace, Parigi, Edizione Publibook Università, 2010.