Magiari
I Magiari, chjamati dinù Ungresi (in ungrese: magyarok), sò un gruppu etnicu originariu di l’Ungheria, chì spartenu una cultura, una lingua è una storia cumuna.
Si stima ch’ellu ci sia circa 14,5 milioni di Magiari è i so discendenti in u mondu sanu, di i quali 9,6 milioni campanu in l’Ungheria attuale. Circa 2 milioni di Ungresi campanu in regioni chì appartinìanu à u Regnu d’Ungheria prima di u Trattatu di Trianon di u 1920, oghje spartute trà Sluvacchia, Ucraina, Rumenia, Serbia, Croazia, Sluvenia è Austria. In più, ci sò cumunità impurtante di discendenti magiari in parechji altri paesi, in particulare in i Stati Uniti, u Canadà, a Germania, a Francia, u Regnu Unitu, u Cile, u Sudafrica, u Brasile, l’Australia è l’Argentina. Sti gruppi formanu a diaspora magiara.