Licenzia Arte Libera

À prupositu di Wikipedia
A Licenzia Arte Libera

A Licenzia Arte libera (o Licenzia Arti Libara) (LAL, dinuminata Free Art License (FAL) in a virsione in lingua inglesa è Licenza Arte libera in a virsione in talianu) hè una licenzia copyleft francese per opere artistiche.

Creata di lugliu 2000, hè a prima licenzia libera (o almenu una di e prime), in u spiritu di a GNU General Public License, dedicata à l'opere d'arte.

A licenzia hè cunsultevule annantu à u situ ufficiale[1]; hè ancu dispunibile in lingua inglese[2], tedesca[3], spagnola[4] è portughese[5]. Da u 2006 hè dispunibile ancu a virsione taliana.

A Free Software Foundation arricumanda per l'opere non software l'usu di sta licenzia, à tempu cù parechje altre forme di a licenzia Creative Commons.

Urigine[mudificà | edità a fonte]

A licenzia hè stata furmulata di lugliu 2000 in seguitu à l'adunite Copyleft Attitude chì si sò svolti à Accès Local è Public, dui siti d'arte cuntimpuraneu in Parighji. U so cuntinutu hè divutu à i cuntributi dirivati da a mailing list di a Copyleft Attitude, in particulare grazia à i ghjuristi Mélanie Clément-Fontaine è David Geraud, è à l'artisti Isabelle Vodjdani è Antoine Moreau. E principale mutivazione di sta Licenzia Arte libera sò quelle di prumove è pruteghje e criazione di a mente umana, sicondu i principi di u copyleft: a libertà d'usà, cupià, distribuisce, trasfurmà, è l'interdizzione d'esclusività.

Caratteristiche[mudificà | edità a fonte]

A Licence Art Libre permette à tutti i participanti (persone fisiche è non fisiche) di cupià, diffonde, sfruttà à titulu gratuitu o à pagamentu o trasfurmà un'opera rilasciata sottu 'ssu tipu di licenzia, pattu è cundizione ch'è fussenu rispettate e cundizione imposte. A licenzia ricade in a ghjuridizione francesa, da u mumentu chì hè stata furmulata à u so internu, è hè parciò valida in tutti i paesi firmatari di a Cunvinzione di Berna, chì stabilisce una norma ghjuridica internaziunale annantu à a prubità litteraria è artistica.

Drittu d'autore[mudificà | edità a fonte]

L'opere sottu Licenzia Arte libera sò sughjette à a leghje annantu à u drittu d'autore. À traversu a licenzia l'autore di l'opera ne priciseghja a distribuzione, copia è mudifica.

Cundizione[mudificà | edità a fonte]

Una licenzia hè cumpatibile incù a Licenzia Arte libera à cundizione ch'è:

  • abbia un'equitativa attribuzione di u travagliu à i so autori è induve fusse pussibule l'accessu à e virsione pricidente di l'opera stessa.
  • e mudifiche arricate à l'opere è à i travagli sianu sottuposte à listessa licenzia o à una licenzia chì sia cumpatibile incù i criterii esposti in a Licenzia d'Arte libera.
  • a distribuzione, a copia è a mudifica sianu permesse ancu à scopi cummerciali senza altre ristrizzione ch'è quelle citate in i cundizione di cumpatibilità.
  • ricunnoschi a Licenzia Arte libera cumpatibile.

Prubità intillettuale[mudificà | edità a fonte]

A licenzia ùn nega micca i dritti intellettuali annantu à l'opera ma solu quelli cunnessi à a Licenzia stessa.

Durata[mudificà | edità a fonte]

A licenzia rimane in vigore per tutta a durata di u drittu d'autore allegati. In u casu ch'ùn fussenu micca rispittati i termini di a licenzia si perdenu autumaticamente tutti i dritti cunferiti da ella.

Livellu territuriale[mudificà | edità a fonte]

A licenzia ricade in a ghjuridizione francese, da u mumentu ch'ella hè stata furmulata à u so internu, è hè parciò valida in tutti i paesi firmatarii di a Cunvinzione di Berna, chì stabilisce una norma ghjuridica internaziunale annantu à a prubità litteraria è artistica.

Incorpurazione[mudificà | edità a fonte]

A Licenzia Arte libera ùn vene in cuntrastu incù altre licenzie in usu in un prugettu di travagliu in i quali prisente un'opera sughjetta à a Licenzia Arte libera.

Note[mudificà | edità a fonte]

  1. Artlibre.org: Licence Art Libre
  2. Artlibre.org: Free Art License 1.3
  3. Artlibre.org: Lizenz Freie Kunst
  4. Artlibre.org: Licencia Arte Libre
  5. Artlibre.org: Licençà da Arte Livre 1.3

Da vede dinù[mudificà | edità a fonte]

Ligami esterni[mudificà | edità a fonte]

(traduzione taliana à cura d'), Licenzia Arte libera, artlibre.org . URL cunsultatu u 19 sittembre 2013.

Fonte[mudificà | edità a fonte]

'Ss'articulu pruvene in parte o in tutalità da l'articulu currispundente di a wikipedia in talianu.