Lastra di cummemurazione per una funtana

Lastra di marmeru per l'edificazione d'una funtana in Terravechja (1604)

Lastra di cummemurazione per una funtana (1604) hè un'opera ch'ellu si pò vede à u Museu di Bastia.

Durante l'epica ghjenuvese (1284-1769), e funtane di a cità di Bastia eranu mercate di i simbuli di u putere. Spessu, si ponu vede l'arme di a Republica di Ghjenuva, o di u so santu patrone : San Ghjorghju.

I guvernatori ci aghjustanu l'arme di a so famiglia.

Hè statu l'usu per parechje funtane di a cità di Bastia, cum'è pè a funtana di Cavallu Rossu in Terrranova, Ficaghjola è d'altre. Sò u testimone di l'impurtanza di i travagli d'alimentazione in acqua di a cità di Bastia.

Sta lastra di marmeru si truvava in Terravechja. Hè stata messa da u guvernatore Domenico della Torre. Per cummemurà st'evenimentu, u guvernatore hà messu una lastra di marmeru, scritta è decurata. Porta a data di 1604

Si vedenu trè elementi :

• In altu : l'arme di a Republica di Ghjenuva cù i dui griffoni è a croce di Ghjenuva (una croce rossa nant'à fondu biancu). A croce di mezu hè stata distrutta, martellata.
• In bassu, à manu manca : l'arme di a famiglia Della Torre
• In bassu, à manu diritta : l'arme di a cità di Bastia. Rapresentanu una furtificazione cun trè torre, è sopra si vede a croce di Ghjenuva. Hè una di e prime rapresentazione di u stemma di Bastia, chì diventerà dopu una torre, senza a croce di Ghjenuva.

U stemma di Bastia nant'à a lastra (detagliu)

Infurmazione

Numeru d'inventariu di u museu : MEC.80.6.1