Ingegneria

L'ingegneria hè una scienza applicata chì impiega i principi scentifichi per cuncepisce è custruisce macchini, veiculi, edifizii, infrastrutture, sistemi è algoritmi, cù u scopu di sfruttà e risorse naturali o di risolve prublemi pratichi. Hè l'attività chì trasforma a cunniscenza in rialisazione cuncrete, cumprese a cuncezzione, u sviluppu, a manutenzione, a riparazione è u migliuramentu di apparechji, materiali è prucessi.

Connecting optical fibres to an optical communications system testbed

Si pò riassume cum'è a disciplina tecnico-scentifica chì applica i risultati di a matematica, a fisica è e scienze naturale per risponde à i bisogni materiali di a sucetà, à traversu a prugettazione, a realisazione è a gestione di bè, prudutti o servizii.

Storia

L'ingegneria hè nata in ambitu militare (geniu militare) è s'hè dopu allargata à u duminiu civile (geniu civile). Da l'ingegneria civile si sò dopu sviluppate l'altre ramificazione.

Etimulugia

A parola vene da u latinu ingenium, da induve dinù u termine "ingegnu". In l'urighjine, l'ingegnere era un omu intelligente è capace di risolve prublemi pratichi. In i paesi anglosassoni, a listessa radice dà engine (mutore) è engineer (ingegnere).

Prucessu di risoluzione di i prublemi

L'ingegnere deve prima capisce i vincoli (risorse, limiti fisichi, tecnichi) è traduce i bisogni in specifiche tecniche. Poi, cù l'aiutu di a fisica è di a matematica, trova e soluzione, ch'ellu verificheghja per via di sperimentazione, mudelli è prove. S'elle ci sò parechje suluzione, sceglie a più adatta basendu si nantu à prestazione, sicurezza è costi.

Discipline di basa

- Matematica
- Fisica classica è muderna
- Chimica

Ramificazioni principali

L'ingegneria hè un campu assai vastu. E so branche principali sò:

- Ingegneria civile
- Ingegneria meccanica
- Ingegneria elettrica
- Ingegneria chimica
- Ingegneria elettronica è informatica
- Ingegneria aerospaziale
- Ingegneria ambientale
- Ingegneria energetica
- Ingegneria gestionale
- Ingegneria dei materiali
- Ingegneria biomedica
- Ingegneria dei sistemi

Aspetti prufessiunali

I prufessiunali chì travaglianu in sti campi sò chjamati ingegneri. In certi paesi, per chjamà si ingegnere è esercità a prufessione hè necessaria una laurea specifica è altre qualifiche (per esempiu in Italia, USA, Québec). In altri paesi (Francia, Germania, Regnu Unitu) a prufessione hè libera.