Himnusz

U Himnusz hè l’innu naziunale di l’Ungheria.

E parolle sò state scritte in 1823 da Ferenc Kölcsey, pueta magiariu rinumatu, mentri a so messa in musica ufficiale fù cumposta in 1844 da Ferenc Erkel, cumpusitore romanticu è figura maiò di a musica naziunale ungrese. Esistenu dinù altre versioni musicale menu cunnisciute.

U significatu cumpletu di u testu hè accessibile solu à quelli chì cunnoscenu bè a storia ungrese. A prima strofa hè quella chì si canta durante e cerimonie ufficiale, è ancu in l’usu cumunu. L’Himnusz era adupratu de facto cum’è innu naziunale di u Regnu d’Ungheria dapoi a so cumpusizione in 1844, ma hè statu aduttatu ufficialmente solu in 1989 da a Terza Ripublica d’Ungheria.

U testu cumencia cum’è una pregheira, cù e parolle: „Isten, áldd meg a magyart” ("Diu, benedici i Magiari").