Gluonu

À prupositu di Wikipedia
(Reindirizzamentu da Gluone)

Un gluonu (da a parola inglesa "glue", chì significheghja "incodda") hè una particula elementaria chì agisci com'è una particula midiatrici in l'interazzioni forti trà quark, analoga à u futonu in l'interazzioni elettrumagnetica trà dui particuli carchi.[1] In altri termini, i gluoni incoddani i quark trà eddi, furmendu cusì adroni, com'è i prutona è i neutrona.

Diagramma di Feynman

In u cuntestu tecnicu di a crumudinamica quantica, i gluoni sò busoni vitturiali di stazza chì intaragiscini incù i particuli carchi. Com'è i gluoni pussedini ancu una carica di culori, intaragiscini trà eddi. Quissa i sfarinzieghja da i futoni chì, bnch'eddi intaragischini incù particuli carchi, sò neutri. U fattu chì i mediatori di l'interazzioni ci participeghjani hè l'unu di i fattori chì facini di a crumudinamica una tiuria più cumplicata ch'è l'eluttrudinamica quantica.

T'ani una carica elettrica nulla, un'elicità 1 è sò di solitu supposti avè una massa nulla. Com'eddi sò busoni vitturiali di stazza, t'ani un spin uguali à 1. U so statu liatu hè chjamatu boccia di vischju.

Cuncetti generali[mudificà | edità a fonte]

I gluoni sò busoni di stazza chì assicurani a midiazioni di a forza di culori trà a carica di culori di i quark in a crumudinamica quantica (QCD). Com'eddi sò rispunsevuli di l'attrazzioni trà i quark in l'adroni, tali i prutona è i neutrona, assicurani a stabilità di u nucleu atomicu.

Cuntrariamenti à u futonu, u mediatori di l'interazzioni elettrumagnetica, chì ùn hà micca carica elettrica ed hè magniticamenti neutru, i gluoni, essendu dutati di una carica di culori, sò affittati da l'interazzioni forti. I gluoni poni dunqua intaragiscia trà eddi è sò sottumissi à u finominu di cunfinamentu, veni à dì ch'eddi ùn poni micca esista isulatamenti ma solu in gruppi (bocci di vischju). Quandu dui quark scambiani un gluonu, a so carica di culori cambia dinò.

A prima prova sperimintali di l'esistenza di i gluoni hè stata truvata à u principiu di l'anni 1980 in u cullisori d'elittroni è di pusitroni PETRA à DESY in Hambourg, quandu a prova di un'emissioni trippia hè stata truvata in inticci trà un elittronu è un prutonu. Quandu a prisenza di dui lampati era attribuita à l'emissioni di un paghju quark è antiquark, a terza emissioni era intarpritata com'è l'emissioni supplemintaria di un gluonu da l'unu di i dui quark.

Noti[mudificà | edità a fonte]

  1. 'Ss'articulu pruveni in parti da a wikipedia in talianu.