Ghjustizia
A ghjustizia (da u latinu iustus, chì significheghja ghjustu) hè un ordine virtuosu di e rilazione umane, ricunnisciutu è trattatu da l'istituzione secondu a leghje. In u sensu ghjuridicu, esige un inseme di norme chì classificheghjanu i cumpurtamenti micca ammissi in una cumunità, è una struttura ghjudicante chì appieca a leghje.
_-_Google_Arts_and_CultureFXD.jpg)
Accezioni
[mudificà | edità a fonte]A ghjustizia pò esse cunsiderata una virtù murale, privata è micca cudificata, basata annantu à l'onestà è a currettezza. In sensu ghjuridicu, hè u principu di ricunnosce à tutt'ognunu ciò chì li hè duvutu, è hè u duvere di u magistratu. A negazione di a ghjustizia hè l'inghjustizia.
Tipi di ghjustizia
[mudificà | edità a fonte]- Ghjustizia cummutativa: regula e rilazione trà duie persone.
- Ghjustizia distributiva: regula e rilazione trà a sucità è i so membri.
- Ghjustizia suciale: mira à eliminà a miseria è l'inuguaglianze per mezu di riforme.
- Ghjustizia riparativa: impone à u culpèvule di dà riparazione à a vittima.
- Ghjustizia punitiva: regula l'eserciziu di u putere ghjudiziariu in l'inflizione di una pena.
In a filusufia
[mudificà | edità a fonte]In u mondu grecu-rumanu, a ghjustizia era un principiu naturale, espressione di l'armunia di u cosmu. I Pitagorichi a vidianu cum'è riflessu di l'armunia. Platone a cunsiderava armunia trà e facultà di l'anima è e classe suciale. Aristotele distingue trà ghjustizia distributiva è cummutativa, basate annantu à l'uguaglianza. In u cristianesimu, a ghjustizia hè basata annantu à a vuluntà di Diu (Sant'Agustinu), è diventa una virtù murale sustinuta da a grazia divina. San Tumasgiu d'Aquinu a cunsidereghja cum'è a raghjone di Diu.
In a riligione
[mudificà | edità a fonte]In u Vechju Testamentu, a ghjustizia hè basata annantu à l'alleanza trà Diu è u so populu. In i Vangeli, Ghjesù insegna chì a vera ghjustizia vene da Diu, micca da l'osservanza stretta di a leghja. San Paulu afferma chì l'omu hè ghjustificatu per a fede in Cristu, micca per e so opere.