Funtana maiore di Perugia

A funtana maiore di Perugia

A Fontana Maggiore, capilavoru di a scultura medievale, situata in u centru di a Piazza IV Nuvembre (anticamente Piazza Grande), hè u munimentu simbolicu di a cità di Perugia.

Storia

A funtana monumentale hè stata cuncipita da frà Bevignate da Cingoli è custruita trà u 1275 è u 1277 per cilibrà a ghjunta di l'acqua in l'acropula di a cità, grazia à u nuvellu acquidottu. Bevignate, hà pussutu cuntà annantu à a cullaburazione d'altre persone di talentu, cum'è Boninsegna Veneziano, ingenieru idraulicu, chì hà rializatu una prova straurdinariamente audace, riescendu à avvià l'acqua da u monte Pacciano, situatu à uni pochi di chilomitri, senza l'aiutu di pompe. Imprudendu un cunduttu sottu à prissione, hè riesciutu à dà à acqua un muvimentu inversu, vene à dì ch'è l'acqua sculava à l'insù invece di scende. Un antru cullaboratore era u funditore Rosso Padellaio, chì hà rializatu a parte superiore in bronzu. À parte si da u 1278, i numerosi pannelli di marmeru sò stati piazzati, rializati da i più scultori impurtanti di l'epica : Nicola Pisano, chì era statu furmatu à a scola d'architittura è di scultura di Foggia di Federiccu II, in cullaburazione incù u so figliolu Giovanni.

A funtana hè stata dannighjata à u mumentu di u terramutu di 1348, ciò chì hà caghjunatu una ricustruzzione arbitraria di l'ordine di i pannelli. Hè stata ristaurata una prima volta in u 1948-1949 è una siconda volta in u 1995-1999.

A funtana maiore hà servutu d'inspirazione à Jacopo di Grondalo per a custruzzione di a funtana Sturinalto di Fabriano in u 1285.

À u principiu di u XXu seculu, hè stata ristaurata da l'architettu Giuseppe Sacconi.

Descrizzione

Bassurilievu di un griffone è di un lione, simbuli di a cità

A funtana maiore, priparata in attellu eppoi muntata in u centru di a piazza, hè stata rializata in petra d'Assisi. Si cumpone di dui bacini poligunali cuncentrichi in marmeru superati da una cuppa in bronzu (opera di u funditore peruvianu Rosso Padellaio) adurnata di un gruppu in bronzu di figure feminile (podarse e ninfe) da induve scola l'acqua.

U bacinu inferiore hè cumpostu da 25 spichji divisi ognunu in dui pannelli discrivendu i 12 mesi di l'annu, ognunu essendu accumpagnatu di u simbulu di u zudiacu. Ogni mese hè assuciatu à l'attimi di a vita cutidiana è à i travagli agriculi chì a caratterizeghjanu. Cum'è in altre sculture europee cuntimpuranee riprisintendu i mesi, u travagliu materiale acquista una dignità, è in 'ssa funtana, sò riprisintati incù l'arti liberali, a filusufia, i persunaghji di a Bibbia è a storia di Roma, in quistu ordine.

A funtana vista d'insù

In u bacinu superiore, ci sò 24 statue piazzate à l'anguli, riprisintendu i santi è i persunaghji mitulogichi è biblichi, di u Nuvellu è di l'Anzianu Tistamentu. Cum'è in u bacinu inferiore, a nuvella civiltà giudaicocristiana ùn s'oppone micca à l'antica civilisazione grecorumana, ma s'armunizeghja piazzendu le in cuntinuità. U bacinu si leghje cum'è una rusulata di i venti, à ogni passu cardinale si trovanu i persunaghji impurtanti, ognunu essendu culligatu à altri persunaghji pertinenti. Cum'è a ripprisintazione d'Augusta Perusia incù un cornu d'abbundanza annantu à i ghjinochji, chì si ciba da e spighe arrecate da a signora di Chiusi (in tempi di una volta u granaghju di Perugia) è da i pesci dati da a ninfa di u lavu Trasimenu, Domina lacus. Suvitanu dopu tutti i persunaghji ligati à a cità. À u passu cardinale oppostu, à u nordu, si trova Euliste, u fundatore miticu di Perugia. À punente si trova Roma, in relazione incù a ripprisintazione di a Chjesa rumana è di Divinitas Excelsa (Teulugia) è di San Petru è San Paulu. Un antru persunaghju cintrale à livante hè San Ghjuvan Battista, per causa di u rollu di l'acqua non solu cum'è elementu vitale, ma à listessu tempu cum'è elementu sacru, hè cumbinatu incù Salomè è altri persunaghji biblichi.