Francescu Canari
Francescu Canari, natu in Nonza, Capicorsu, u 28 di Sittembre 1613 , è mortu in u 1686, hè un autore è giurista laureatu à l' Università Romana Sapienza . Diventò avvucatu in Genuva, induve ottenne u titulu di duttore in dirittu . S'hè stallatu in Bastia in lugliu 1653. Hà participatu à a vita intellettuale corsa cum'è membru di l' Accademia di i Vagabondi , , cù altri isulani cunnisciuti, cum'è Giovanni Banchero , anzianu podestà di Bastia.
Biugrafia
[mudificà | edità a fonte]
Pocu o micca hè cunnusciutu di a so vita privata, a so casata vene di u paese capicorsinu Canari, induve i so antenati l'Avogari - Gentile eranu sgiò [1]. Pare dinù ch'ellu stessu era un signore capicorsinu. Scende da Vincentello Gentile di Canari natu in Canari in u 1430. [2]
Dopu avè studiatu dirittu in Roma, Francescu si trasferì in Genova, induve praticò cum'è avvucatu è ottenne un dutturatu in dirittu. In u 1653 si ne va in Bastia, induve participò attivamente à a vita intellettuale corsa unendu si à l'Accademia di i Vagabondi .
Hà scrittu parechje opere in latinu , dedicate principalmente à a storia è à u dirittu di a Corsica. A so opera maiò si chjama De notitiis Regni Corsici, opus historicum legale, distributum in quinque partes, è hè stata mantinuta in a Bibliothèque municipale de Nancy (manuscrit 1017).
A famiglia Canari hè stata in Bastia, ind'è u quartieru di Terra nova (Terrenò), Ghjermana di Zerbi scrive:
Ottu palazzi, vale à dì casali, sò stati scelti, quelli chì sò à l'orlu di a Piazza di Corte è di a Falata di A Chjappa, detta A Ripa. Quì ci era u primu mercatu di Bastia : a chjappa era a lastra, a petra piana, ind’ella si spunìa a mercanzia.
Ste bandere cù l’arme di e famiglie terranuvacce duvìanu ornà ogni facciata ma e s'hà purtate via u primu ventu, tempu appese.
Hà vulsutu a sorte ch’ella ci fussi parità in l’orìgine di st'ottu famiglie di sgiò bastiacci : quattru sò di sterpa ghjenuvese o lìgure, Ceporina, Montaguti, Tagliacarne, Zerbi. E quattru altre sò di ceppu corsu : Cànari, Cristofini, Luri, Morelli. U fattu mostra l'imbuleghju veru di e duie etnìe è manda à caternu l'edea chì Terranova fussi solu pupulata da Ghjenuvesi.
L’ottu famiglie rapresentate quì anu avutu tutte un rollu maiò in a vita di a cità : cinque casate anu pruduttu più d'una volta i so primi magistrati, i pudestà, l’altre anu fattu un cancellieru di u Reame è numerosi dignitarii di a Chjesa. Anu avutu dinù un’azzione fundamentale in u sviluppu ecunòmicu di Bastia l’uparosa : a so ascensione suciale s’hè fatta cun e carriere di l'arme, di u dirittu, di u statu ecclesiàsticu è cù u cummerciu, l’agricultura è a pesca.
Stu fattu ci porta à ammintà quella di a particella di nubiltà, dumanda fatta spessu ma chì ùn riceve micca sempre una risposta chjara. Ch’ella fussi lucale – feudale, capuralina – pisana o ghjenuvese, pussibilità fù data à a classa nòbile corsa di fassi ricunnosce cum'è tale da a Francia quandu a Corsica fù annessa in u 1769. Ci vulia à pruduce, davanti à i magistrati di u Cunsigliu Superiore di a Corsica, prove di una nubiltà antica di più di duiecent'anni, ciò chì significava ducumenti è danaru. Ùn era u casu di tutti i nòbili corsi è èranu tanti ! È parechje famiglie ùn ebbenu mancu primura di fà accertà a so nubiltà.
Cusì chì da u 22 di ferraghju di u 1771 (Buttafoco, di U Viscuvatu) à l'8 maghju di u 1788 (Monti Rossi, di Palasca), novantacinque famiglie corse fùbbenu ricunnisciute da u rè di Francia, Luigi XVu poi Luigi XVIu cum’è essendu nòbili. Dimu bè ricunnisciute nòbili è micca “annubilite”, cum’ella si sente dì spessu. Certe famiglie mettinu a particella nanzu à a so casata, altre nò. Hè cusì ch'è no avemu à tempu e famiglie de Caraffa, de Matra o de Petriconi accantu à e famiglie Marengo, Morelli, Pruno o Tomei, tutte di nubiltà ricunnisciuta.[3]
Bibliugrafia
[mudificà | edità a fonte]- Opera latina che contentengono non pocket peregrine notizie sulle antichità della Corsica.
- De notitiis Regni Corsici, opus historicum legale, distributum in quinque parts, Bibliothèque municipale de Nancy, ms 1017.
- Ristrettu (abbreviatu) nantu à a vita ghjudiziaria, utilizatu da Petru Morati in a so Prattica Manuale .
- De nominibus et gestis Corsicae Gubernatorum, publié dans le Bulletin de la Société des Sciences, nº 762-763, 2018.
- Argumenti presentati à u Magistratu di Corsica per u ritornu di a sede di u guvernatore di Calvi à Bastia, in Bastia o Calvi da u P. André Marie, Associu Franciscorsa, Bastia, 1978.
Referenze
[mudificà | edità a fonte]- ↑ Origine è ligame di l'Avogari, sgiò capicursini in a "Notice sur les GENTILE Seigneurs du Cap-Corse, Bulletin des Sciences historiques et naturelles de la Corse, 1884"
- ↑ Vincentello Gentile di Canari
- ↑ Chròniche bastiaccie "E case stòriche di Terrenò", Ghjermana di Zerbi