Fiurinu

U Forint o fiurinu in corsu (simbulu: Ft, codice ISO 4217: HUF) hè a muneta ufficiale di l’Ungheria.

U 1 d’aostu di u 1946, u fiurinu fù introduttu per stabilizà l’ecunumia ungrese dopu a Seconda Guerra Mundiale. Sta muneta hè firmata relativamente stabile finu à l’anni 1980. Cù u passaghju à una ecunumia di mercatu à l’iniziu di l’anni 1990, u valore di u fiurinu si ne risentì, è l’inflazione righjunse u 35% in 1991.

À maghju di u 2022, l’inflazione hà tuccatu u 10,7%, à causa di a guerra in Ucraina è l’incertezze ecunomiche. Bench’è l’Ungheria sia membru di l’Unione Europea, è ch’ella puderia à long’andà aduttà l’euru cum’è muneta, ùn ci hè micca – sott’à u guvernu attuale – una data precisa prevista per stu cambiamentu.