Fidesz

U Fidesz hè un partitu puliticu di diritta populista, euroscepticu è naziunal-cunsirvatore.[1] Dapoi u 2010, hè u partitu di guvernu principale in Ungheria. U so presidente hè Viktor Orbán.
Storia
[mudificà | edità a fonte]U Fidesz hè statu fundatu in u 1988 cum’è un muvimentu attivistu liberale chì s’opponeva à u guvernu cumunista in u putere. Dopu à l’elezzioni parlamentari di u 1990, hè intratu in l’Assemblea Naziunale. À l’iniziu di l’anni 2000, hà aduttatu u naziunalismu, ma a so pupularità hà calatu un pocu per via di scandali di curruzzione. Hà cuntinuatu à seguità una pulitica sempre più naziunal-cunsirvatrice, spustendusi ancu più à diritta. Hè diventatu più criticu versu l’Unione Europea, è u partitu hè statu qualificatu d’euroscepticu. A so magHJurità di dui terzi in u parlamentu hè stata mantinuta dopu l’elezzioni di u 2014, è dopu l’escalazione di a crisa migratoria di u 2015, hà cuminciatu à aduttà una retorica populista di diritta è anti-immigranti. Dapoi a so fundazione, a so pusizione pulitica hà cambiatu drasticamente, è oghje u Fidesz si pusizione cum’è un partitu trà a diritta è l’estrema diritta. I pulitòlogi anu qualificatu u so guvernu d’illiberale o autocraticu.[2]