Topu mascaratu

À prupositu di Wikipedia
(Reindirizzamentu da Eliomys quercinus)
U topu mascaratu
Elyomis quercinus
Classificazioni scentifica
Regnu Animalia
Divisioni Chordata
Classa Mammalia
Ordini Rodentia
Famiglia Gliridae
Genaru Mugil
Nomu binuminali
Elyomis quercinus
Linnaeus, 1753

U topu mascaratu (Eliomys quercinus) hè un tipu di mammiferu chì faci parti di a famiglia di i Gliridae.

Discrizzioni[mudificà | edità a fonte]

U topu mascaratu hè una spezia di ruditori appartinendu à a famiglia di i Gliridae. Hè carattarizatu da a so piccula taglia è a so coda spessa, ciò chì u distingui d'altri membri di a so famiglia. A spezia prisenta una piddiccia densa, dolci è di culori grisgiu o brunu à corpu in sù, mentri chì u corpu hè di regula più chjaru.

U topu mascaratu misura di media trà 12 è 15 centimi di lunghezza, incù una coda di circa 9 à 12 centimi. U so pesu varieghja da 80 à 150 grammi. Pussedi grandi arechji attundati, ochja neri è zampi aghjili muniti di ranfii zimbrunuti, li parmittendu di rampicà incù faciulità.

U topu mascaratu pò essa cunfusu incù a ghjira, parchì l'usservazioni di 'ssi dui spezii si faci à spessu di notti o à a trabucinata. Ma u topu mascaratu hè appena più chjucu cà a ghjira è u so culori hè più scuru. L'arechji dinò di u topu mascaratu sò beddi più maiori.

Ripartizioni[mudificà | edità a fonte]

U topu mascaratu hè una spezia endemica di l'Auropa, truvendu si par u più in u righjonu mediterraniu. Omu u ritrova in una grandi varietà d'ambienti, in particulari i furesti di frunduti, i buschetti, l'arici buscosi è i zoni rucciosi. Prifirisci l'ambienti caldi è asciutti, ma pò ancu adattà si à cundizioni più freschi in i righjoni muntosi.

In Corsica[mudificà | edità a fonte]

U topu mascaratu hè cumunu in Corsica. A sottuspezia prisenti in Corsica hè Eliomys quercinus sardus, una sottuspezia endemica di a Corsica è di a Sardegna.

Tassunumia[mudificà | edità a fonte]

A spezia Eliomys quercinus hè stata discritta par a prima volta da u naturalistu svidesu Carl von Linné in u 1766. Hè calchì volta chjamata Glis quercinus o Muscardinus quercinus in a litteratura scentifica. Apparteni à l'ordini di i ruditori (Rodentia) è à a famiglia di i Gliridae, chì cumprendi dinò altri spezii di ghjiri.

Cunsirvazioni[mudificà | edità a fonte]

U topu mascaratu hè classificatu com'è una spezia di priaccupazioni minori (LC) da l'Unioni internaziunali par a cunsirvazioni di a natura (UICN). Bench'è eddu ùn fussi micca cunsidaratu com'è gravamenti minacciatu, certi sottupupulazioni lucali poni essa cunfruntati à prissioni, tali a perdita d'ambienti divuta à a disfuristazioni è à l'urbanisazioni criscenti. I ghjiri sò ancu vulnerevuli à i cambiamenti climatichi, chì u so metabulismu hè adattatu à tampiraturi più alti.

Lessiculugia[mudificà | edità a fonte]

U nomu topu mascaratu veni da u fattu chì 'ssu animali t'hà spezia di mascara in faccia. In fatti, hè una striscia di peli neri chì parti da u muccichili, veni intornu à l'ochji è forma dinò una tacca daretu à l'arechji.

U topu mascaratu hè ancu chjamatu a ghjira uchjata.

Da veda dinò[mudificà | edità a fonte]