E Perseide

Una striscia da u verde à u giallu

E Perseide sò un essame meteoricu chì a Terra si trova à attraversà durante l'istatina in u perorsu di a so orbita intornu à u Sole. A piogia meteorica si manifesteghja da a fine di lugliu sin’à aldilà di u 20 d'aostu è u piccu di visibilità hè cuncentratu intornu à u 10 (a notte di San Lurenziu)è u 12 d'aostu, cun una media d'un centinaiu di strisce luminose osservebile à u sguardu ad ognora. Què rende 'ss'essame trà i più impurtanti in termini d’osservabilità trà tutti quelli incruciati da u nostru pianeta in u corsu di a so rivuluzione intornu à u Sole. A sigla internaziunale di l'essame hè PER.

Origine di u nome

U nome deriveghja da u grecu Περσείδαι (Perseidai), termine adupratu in a mitulugia greca in riferenza à i figlioli di Perseu.

Storia di l’osservazione

Una striscia assai lampante.

A cumeta chì hà datu origine à 'ss'esame di stelle cadente hè a Swift-Tuttle, chì hà un nudellu d'apprussimativamenti 10 km. U so ultimu passaghju à u perieliu fù in u 1992, è u prossimu si ferà in u 2126. E meteore ch'è noi vidimu avà sò particelle lasciate durante l’orbite passate di a cumeta.

E prime osservazione di l'essaame di e Perseide fubbenu fatte da i Cinesi in u 36 d.C. In u 1866, in seguitu di u passaghju à u perieliu di a Swift-Tuttle di u 1862, l’astrònomu talianu Giovanni Virginio Schiaparelli scuprì u legame trà l'essami meteorichi è e cumete. A scuperta si trova in unu scambiu di lettere cù u babbu Angelo Secchi.

U nome di st'essame di stelle cadente vene da u fattu chì u radiante, vene à dì u puntu da u quale parenu vene tutte e strisce, si trova dentru à a custellazione di Perseu. In l'annu 2000 e cuurdinate di u puntu radiante eranu 46° d'ascensione retta è +58° di diclinazione, cù un spiazzamentu ghjurnalieru, duvutu à u muvimentu di rivuluzione tarrestre, di 5,4° A.R. è 0,12° di diclinazione, andendu da a custellazione di Cassiopea versu quella di a Giraffa.

A perdita, ghjunta u 12 d’aostu 1993, di u satellite di cumunicazione Olympus lanciatu da l'Agenzia Spaziale Europea hè stata attribuita à una cullisione cù una Perseide.

Tradizione

E Perseide sò cunnisciute cum’è Lacrime di San Lurenzu è u fenomenu, tradiziunalmente ligatu à a notte di u 10 d'aostu dedicata à San Lurenziu martiriu, hè cunnisciutu dinù cum’è a notte di San Lurenzu.

In Grecia u fenomenu hè assuciatu religiosamente à a trasfigurazione di u Signore chì casca u 6 d'aostu. In epica rumana si pinsava chì l'essame di meteoriti fussi una pioggia prupizia di sperma di u diu Inuo-Priapu chì, cun questu gestu, fecundava i campi.

A transizione in favore di u santu cristianu Lurenzu fù favurizata, cum’è per parechje altre feste pagane, da a ghjesgia cattolica. Si pensa chì a figura di u santu fussi scelta parch'ella era foneticamente sumigliante à quella di Acca Larenzia, contraparte femminile di Priapu, ancu ella festighjata u 10 d’aostu.