Cuscenza

U gruppu Cuscenza hè statu criatu à u mesu d'Uttobre in 2015 pà un gruppu di studienti in Corti. Anu scelti stu nome parchì principianu sempre e so serate cù a canzona Cuscenza di Chjami Aghjalesi. Sò cumpostu di quattordici parsone, ci sò ottu cantadori, trè ghittaristi, una viulunista, un bassistu è un batteristu. U gruppu canta a passiona per a cultura, a lingua è a tarra. Innamurati di a tarra, anu fattu ancu un gruppu annantu Facebook pà parlà di i paesi Corsi, u scopu ghjè di andà in un paesu pà scontre la ghjenti è parlà di a storia di stu paesu, di tupunomia è altri. Sta pagina Facebook si chjama : I Me Loca (cum'è a canzone di u gruppu Surghjenti

ACA

Prima, si sò fatti cunnosce cù a so canzona U Cantu Di L'Orsu (2016), una canzona chì addopra un "sample" di Orchestral Manoeuvre di a canzona Enola Gay. Sta canzona hè un cantu di sustegnu pà l’Athletic Club Aiacciu. U gruppu Cuscenza fà parte di l'Orsi Ribelli, un gruppu di sustenitori di l'ACA.

Dischetti

2019

Trè anni dopu, u gruppu sorte u so primu dischettu Da Francà U Mali. Stu dischettu ghjè u capilavoru. Dodeci canzone scritti pà Francescu Angeleri, Patrick Croce, Martinu Squarcini, Petru Squarcini, Simon'Paulu Ferrandi, Dumenicu Barrazza, Don Joseph Luccioni, Marc'Antone Mucchielli. Stu dischettu hè statu arrighjistrattu à u Studio Ricordu.

Canzoni :

• 1. Esiste
• 2. Passi
• 3. Monti Gozzi
• 4. Aldilà da u luntanu
• 5. Trà passioni è affesa
• 6. Orizonti
• 7. À l'imbruni
• 8. L'ottu di dicembri
• 9. Sò di quidda
• 10. Credenza
• 11. Sensi
• 12. Qual'sò

2022

U To Fiddolu t'aspetta, ultima canzona surtita di u gruppu.

Canzona scritta pà Alanu Ferrandi, incarceratu dapoi u21 di maghju 1999 pà u so populu. Canzona dinò pà tutti quiddi chì sò visti aspittà da i soii, duranti anni è anni di prighjò par avè diffesi a so tarra è pà tutti quiddi chì colpa à a scimesca di l'omu ùn sò mai vultati in casa è chì schiariscenu da u celu u chjassu di a libarta d'un paesi. (Fonti : Pagina Facebook di gruppu)

L'ottu di Dicembri di 2022, ghjornu di A Festa Di A Nazioni, Cuscenza esci u so sicondu dischettu Da Scunghjurà A Sorti. Ci sò quindici canzoni è frà elli, c'hè a canzona "U To Fiddolu T'Aspetta"

Canzoni :

• 1. Uffesa
• 2. Scalini
• 3. U ghjardinu neru
• 4. Cuntinuà
• 5. A scelta
• 6. Muntagna di Bavedda
• 7. Musa Corsa
• 8. I fatti muti
• 9. A fedi
• 10. A tinaglia
• 11. Di stintu l'eroi
• 12. Cantu pà una Stella
• 13. U to fiddolu t'aspetta
• 14. Aldilà
• 15. Quis ut Deus

I Membri

Cantu

• Jean-Dominique Poli
• Michel Forte
• Alexandre Luciani
• Martinu Squarcinu
• Marc-Alexandre Benetti
• Simon'Paulu Ferrandi
• Francescu Andria Luccioni
• Ghjuvan'Lavighju Ghiddi

Musicanti

• Emilie Cianchetta
• Thomas Pellegrini
• Baptiste Capai
• Ghjaseppu Mambrini
• Thomas Bouchet-Pomella
• Fabien Pardies