Cultura

U termine cultura vene da u verbu latinu colere, chì significheghja "cultivà". U so usu hè statu dopu stesu à i cumpurtamenti chì imponianu una "cura versu i Dii", da induve u termine "cultu", è pà indicà un inseme di cunniscenze.

Oghje, in linea di massima, hè intesa cum'è un sistema di saperi, opinioni, credenze, valori, norme, custumi, cumpurtamenti, tecnulocighi è prucessi tecnichi chì caratterizeghjanu un gruppu umanu particulare; un'eredità storica chì definisce i rapporti dentru di quellu gruppu suciale è quelli cù u mondu esternu.

Correggio, L'Assunzione di Maria, (Parma)

Descrizzione

U cuncettu mudernu si pò capisce cum'è quell'inseme di cunniscenze è di pratiche acquistate chì sò trasmesse di leva in purleva. Eppuru, u termine cultura hà parechji significati:

- una cuncezzione prammatica (pusitivisimu/Utilitarisimu) presenta a cultura cum'è furmazione individuale, cèu u fine di l'acquisizione di cunniscenze "pratiche";
- una cuncezzione metafisica (antropolugia/etica) presenta a cultura cum'è prucessu di sedimentazione di l'inseme patrimuniale di e sperienze spartute da i membri di una sucietà, di i codici cumpurtamentali spartuti è di una visione identitaria sturicamente determinata;
- una cuncezzione di sensu cumunu vede a cultura cum'è locu privilegiatu di i "saperi" lucali è glubali, tipicu di l'istituzioni "superiore", cum'è a scienza, a tecnulogia, l'arte, l'infurmazione è a storia;
- una cuncezzione istituziunale (educazione/pedagogia) vede a cultura cum'è strumentu di furmazione di basa è di preparazione à u travagliu.

Estensione di u termine

Esistenu diversi significati di u cuncettu di cultura:

- Sicondu una cuncezzione classica, a cultura consiste in u prucessu di sviluppu è di mobilitazione di i facculti umani facilitatu da l'assimilazione di l'opera d'autori è d'artisti impurtante;
- Sicondu una cuncezzione antropolugica, a cultura - o civilizazione - hè "quell'inseme cumplessu chì include u sapè, e credenze, l'arte, a murale, u dirittu, l'usi, è ogni altra cumpetenza è abitudine acquisita da l'omu in quantu membru di a sucietà", sicondu a definizione di l'antropolugu inglese Edward Tylor (1871);
- A definizione di l'UNESCO cunsidereghja a cultura cum'è "una serie di caratteristiche specifiche di una sucietà o di un gruppu suciale in termini spirituali, materiali, intellettuali o emuzionali".

In antropolugia

A cultura in sensu antropolugicu cunsiste in:

- sistemi di norme è di credenze esplicite, elaburate in modi più o menu furmalizati;
- custumi è abitudine acquistate da l'esseri umani pà u semplice fattu di vive in determinate cumunità;
- artefatti di l'attività umane, da l'opere d'arte vere è proprie à l'oghjetti d'usu quutidianu.

I tratti chì definiscenu a cultura sò principalmente trè:

- a cultura hè appresa è ùn hè micca riducibile à a dimensione biolugica di l'omu;
- a cultura rappresenta a tutalità di l'ambiente suciale è fisicu chì hè opera di l'omu;
- a cultura hè spartuta drentu un gruppu o una sucietà.

Distinzione

In a cultura si pò distingue l'aspetti materiale è quelli immateriale:

- Aspetti materiale (cultura materiale): sò oghjetti, artefatti, tecnulogia è bè di cunsumu prudutti da una sucietà;
- Aspetti immateriale (cultura adattiva): linguaghju, simbuli, cunniscenze, valori è norme.

Diffusione è influenza

Esistenu diversi tipi di cultura:

- Cultura duminante: hè l'inseme di l'opinione prevalente in una determinata sucietà;
- Sottucultura: hè l'inseme di valori o norme chì identifican un gruppu dentru di una sucietà;
- Cuntracultura: si pone in cunflittu cù e norme duminante è mira à sustituisce si à quella duminante.

Cultura è civilizazione

Oghje l'antropolughi ùn cunsidereghjanu micca a cultura u semplice risultatu di l'evuluzione biolugica, ma u so elementu intrinsecu, u meccanismu principale di l'adattamentu di l'omu à u mondu esternu. Emerge u cuncettu di "relativisimu culturale", idea sicondu a quale una persona pò accettà i cistumi altrughji à traversu i cuncetti di l'altra cultura.