Civiltà

U termine civiltà vene da u latinu civilĭtas, derivatu da l'aghjettivu civilis (relativu à u civis, «citatinu», è à a civitas, «cità»). Indicava l'inseme di qualità è di caratteristiche materiale, culturale è spirituale d'una cumunità, à spessu opposte à u cuncettu di barbaria.

In a so accezzione muderna, a civiltà pò riferisce si à un risultatu (l'inseme di tutele di i diritti umani è di u cuntestu suciale d'un paese) com'è à un prucessu (l'evuluzione tecnologica, ecunomica è suciale).

Storia di u significatu

Passatu in e lingue rumane durante u Trecentu, u termine acquistò da u Rinascimentu un ghjudiziu di valore, ligatu à a supirurità di u propriu modu di vita, rispettu à quellu d'altre culture. S'assumiglià tantu à u termine «cultura» per indicà l'idee, i valori è e tradizioni proprie d'un populu, in un mumentu particulare di a so storia.

Oghje, a civiltà designa l'aspetti culturali è d'urganizazione pulitica è suciale d'una pupulazione. In antropologia, l'inseme di e manifestazione di a vita spirituale è materiale d'una cumunità. Certi antropologhi di u XIX sèculu cridianu in l'evuluzione culturale, da un statu primitivu à unu civilizatu. Stu puntu di vista, ghjustificazione di u culunialismu, hè statu superatu da u relativismu culturale (Franz Boas), secondu u quale i valori d'una cultura ùn ponu esse ghudicati fora di quella cultura.

E civiltà tendenu à sparghje si è à influenzà altre culture. Storichi cum'è Oswald Spengler è Arnold J. Toynbee anu studiatu e civiltà cum'è unità singulari, sughjette à ciculi di nascita, vita, declinu è morte. Samuel P. Huntington hà definitu a civiltà com'è u più ampiu ragruppu culturale, è hà iputizzatu un «scontru di civiltà» in u XXI sèculu.

Note