Cicciara rosa

A cicciara rosa
Phoenicopterus roseus
Classifica scentifica
Regnu	Animalia
Imbrancamentu	Chordata
Classa	Aves
Ordine	Phoenicopteriformes
Famiglia	Phoenicopteridae
Generu	Phoenicopteru
Nome binuminale
Phoenicopterus roseus Pallas, 18116

A cicciara rosa (Phoenicopterus roseus Pallas, 1811) hè a spezia più grande è sparta di a famiglia di e cicciare. Vive in Africa, in u subcontinente indianu, in u Mediu Oriente è in l’Europa miridiunale. I so parenti i più vicini sò a cicciara rossa è a cicciara cilena, chì tempi fà si pinsava ch'elle eranu cunspecifiche cù a cicciara rosa.

Discrizzione

Dui cicciare rose in bulu

A cicciara rosa hè a più grande spezia campante di cicciara, cù un’altezza media di 110-150 cm (43-59 pollici), un’apertura d’ali di 240 cm, un pesu di 2-4 kg (4,4-8,8 libbre). I masci sò un pocu più grandi ch'è e femine è in certi casi ponu ghjunghje insin'à 187 cm (74 pollici) d’altezza è un pesu di 4,5 kg (9 libbre).

U piumaghju hè principalmente biancurusatu; nant’à l’ale e penne cupritrice sò rosse, mentre e rimigante primarie è secundarie sò nere. U bizzicu hè rusatu cù una tacca nera nant’à a punta, e zampe è i pedi palmati sò rosi. Ancu a pelle di a faccia hè rosa; l’iridi sò gialli.

I piulelli nascenu cuperti d’una lana fina grisgia. L’esemplari subadulti sò più chjari è anu zampe più scure. Dinù in l’adulti chì nutriscenu i piulelli i culori perdenu vivacità, diventendu più pallidi, ma e zampe fermanu d’un rosu vivu. Sta culurazione vene da i pigmenti carutenoidi prisenti in l’urganisimi chì campanu in l’ambienti d’alimentazione di e cicciare. Ancu e secrezione di a ghjandula uropigiale cuntenenu carutenoidi. Durante a staghjone riproduttiva e cicciare rose spalmane più spessu e secrezione uropigiale nant’à e piume, rindendu cusì u piumaghju più culuritu. St’usu cusmeticu di e secrezione hè statu discrittu cum’è una forma d'astuzia.

Biulugia

Un gruppu di cicciare rosa in Kutch, India

Unu di i cumpurtamenti i più particulare di e cicciare rose hè u ripusà si nant’à una sola zampa, piattendu l’altra sottu à u corpu. A raghjone di stu cumpurtamentu ùn hè ancu stata capita cumplittamente.

A durata di a vita media in cattività, sicondu u zoo di Basilea, hè di più di 60 anni. In natura a durata media di a vita hè di 30-40 anni.

Voce

E cicciare rose sò cunsiderate acelli assai rumorosi cù i so versi è vucalizazione chì vanu da grugnulimi o ruzzi à un gridu grachjante è sunoru, simile à quellu di l’oche. E vucalizazione ghjocanu un rollu impurtante in u ricunniscimentu trà genitori è pullini, in i rituali di curtesia di i masci è u fattu di stà inseme in e grande culunie.