Chjave di volta chì rapresenta à San Ghjorghju
A Chjave di volta chì rapresenta à San Ghjorghju hè un'opera ch'ellu si pò vede à u Museu di Bastia[1]. Ùn si cunnosce l'autore, si sà ch'ella hè di u seculu 16. Hè fatta in teghja di Lavagna[2].
Una chjave di volta hè a petra centrale, piazzata in cima di una volta. Hè l'ultima petra chì hè messa durante a custruzzione. Hè ella chì permette à l'altre petre di tene. Senza ella, a volta si ne fala. Hè spessu decurata in e case impurtante (chjesa, palazzu.
A chjave di volta rapresenta à San Ghjorghju, chì tomba un dragone. San Ghjorghju era u prutettore di a Republica di Ghjenuva. Hè spessu rapresentatu in traccia di battesi contr'à un dragone. Rapresenta a vittoria di u bè contr'à u male. In a cità di Ghjenuva, sta fiura hè assai presente nant'à e case è i lochi di putere, ch'ella sia in pittura o in scultura.
A chjave di volta era messa in una di e sale di u palazzu di i guvernatori di Bastia. Hè oghje sposta à u Museu di Bastia.
Infurmazione
[mudificà | edità a fonte]Numeru d'inventariu : MEC.56.13.63
Diametru : 43 cm è 33 cm
Altezza : 26 cm
Pesu: 95 kg
Note
[mudificà | edità a fonte]- ↑ https://pop.culture.gouv.fr/notice/joconde/03290004954
- ↑ Elisabeth Cornetto et Sylvain Gregori, Bastia, une histoire revisitée catalogue des collections permanentes exposées, Musée de la Ville de Bastia, 2011. ISBN : 9782953641325