Casa Castagnola

A Casa Castagnola hè una casa situata in u quartieru di u Vechju Portu, chjamatu ancu Terra Vechja, in Bastia in u dipartimentu francese di Corsica suprana.

A casa hè stata parzialmente classificata cum'è munumentu storicu in u 1993.

Storia

A casa appartenia à a famiglia Castagnola, originaria di Liguria . Hè stata custruita à a fine di u XVIu seculu. Era una famiglia chì s'hè arricchita grazia à u cummerciu cun l'Italia.

Hè famosa per l'iscrizione " Col tempo " (in talianu), nant'à a so facciata, sopra à u purtone principale chi si trova à E Terrazze ^[1]. A tradizione orale conta chì stu mottu era una risposta à a famiglia Cardi, famiglia rivale di i Castagnola, chì avia u so palazzu ghjustu in faccia è chì era più altu.

Descrizzione

U bassurilievu

A facciata nordu hè decurata cù un bassurilievu chì rapresenta à San Roccu, prutettore di l'epidemie. Hè un ricordu di una epidemia di pesta chì hà culpitu a cità in u 1569. A storia dice chì a pesta s'hè firmata à e porte di a cità, in stu locu ^[2] .

L'affreschi

L'entrata da u latu di E Terrazze hè decurata di pitture à l'affrescu di u XVIIu seculu. Durante un certu tempu s'hè pensatu chi e pitture rapresentavanu a battaglia di Lepanto ; hè avà pruvatu ch'ellu ùn hè micca u casu.

U purtone

U purtone chì si trova à E Terrazze hè tippicu di i purtoni di e famiglie impurtante di u 17u seculu. Hè decuratu à zemba, in rilievu. Sopra hè statu messu un fruntone triangulare rottu.

A Casa Castagnola da u latu di A Marina
Entrata principale, à E Terrazze
Hè scritta " Col tempu » sopr'à l'entrata principale
Bassurilievu chì rapresenta a Madonna chì tene u bambinu cun San Roccu.
L'affreschi

Note è riferimenti

↑ Jean-Baptiste Raffalli; Fernande Maestracci; Max Boulmer, Bastia : musées, monuments, promenades, Monum - Ed. du patrimoineª ed., 2003. ISBN 978-2-85822-697-9, OCLC 717275677.
↑ Pierre-Louis Alessandri; Serena De Mari; Ghjermana De Zerbi, Almanach : tradizione viva di Bastia è di u so circondu : histoire, religion, littérature, arts et architectures, vieux métiers, jardins, maisons historiques, tradition orale, musique, Comité des fêtes et de l'animation du patrimoineª ed., 2006. ISBN 978-2-9525608-0-1, OCLC 67609495.

[1] Jean-Baptiste Raffalli; Fernande Maestracci; Max Boulmer, Bastia : musées, monuments, promenades, Monum - Ed. du patrimoineª ed., 2003. ISBN 978-2-85822-697-9, OCLC 717275677.

[2] Pierre-Louis Alessandri; Serena De Mari; Ghjermana De Zerbi, Almanach : tradizione viva di Bastia è di u so circondu : histoire, religion, littérature, arts et architectures, vieux métiers, jardins, maisons historiques, tradition orale, musique, Comité des fêtes et de l'animation du patrimoineª ed., 2006. ISBN 978-2-9525608-0-1, OCLC 67609495.

[1]

[2]