Campanella rapunculus
| |||||
|---|---|---|---|---|---|
| |||||
| Campanula rapunculus | |||||
| Classificazione scentifica | |||||
| Regnu | Plantae | ||||
| Divisione | Magnoliophyta | ||||
| Classa | Liliopsida | ||||
| Ordine | Campanulales | ||||
| Famiglia | Campanulaceae | ||||
| Generu | Campanula | ||||
| Nome binuminale | |||||
| Campanula rapunculus Aiton, 1753 | |||||
| |||||
A campanella (Campanula rapunculus) hè un tipu di fiore chì face parte di a famiglia di e Campanulaceae.
Etimologia[mudificà | edità a fonte]
U nome di u generu (campanula) deriveghja da a forma di campana di u fiore. In particulare, a parola deriveghja da u latinu è significheghja : piccula campana. A documentazione mostra ch'è u prima à imprudà u nome butanicu "Campanula" hè statu u naturalistu belgicu Rembert Dodoens, chì hà vissutu trà u 1517 è u 1585. 'Ssu nome, eppuru, era dighjà imprudatu dapoi un certu tempu, ancu si ellu hè statu mudificatu, in numerose lingue europee. Difatti, in u francese arcaicu, 'sse piante eranu chjamate "Campanelles" (à i ghjorni d'oghje, sò chjamate " Campanules " o " Campanelle "), quandu invece in alemanu, sò chjamate "Glockenblumen", è in inglese, "Bell-flower" o "Blue-bell". In talianu, omu e chjama "Campanelle". Tutte 'sse forme deriveghjanu evidintamente da a lingua latina. U nome di a spezia (rapunculus) significheghja "picculu navone" (diminutivu di "rapum") è face riferimentu à e radiche ingunfiate di a pianta. U binomiu scentificu di a pianta di 'ssa intrata hè stata prupostu da Carl von Linné (1707 - 1778) biolugu è scrittore svedese, cunsideratu cum'è u babbu di a classifica scentifica muderna di l'organismi vivi, in a publicazione Species Plantarum di 1753.
Descrizzione[mudificà | edità a fonte]
A campanella hè alta 30 à 150 cm. I fiori sò turchini. A curolla di u fiore hè longa 20 mm. U fustu hè drittu, semplice o ramificatu in testa. Fiurisce da maghju à lugliu. Si scontra da u livellu di u mare sin'à 1000 metri. Hè prisente in Europa, in Asia è in Nordu Africa.
A campanella s'assumiglia assai à un antru tipu di campanella: Campanella patula.
Tassunumia[mudificà | edità a fonte]
Parechji sinonimi di Campanella rapunculus sò:
- Rapunculus verus Fourr.
- Campanula calycina Boeber ex Schult.
- Campanula coarctata Gilib.
- Campanula elatior Link & Hoffmanns.
- Campanula rapunculus var. micrantha
- Campanula rapunculus losae
- Campanula rapunculus var. bracteosa
- Campanula rapunculus var. strigulosa
- Campanula verruculosa Hoffmanns. & Link
- Campanula rapunculus var. hirsuta
- Campanula rapunculus var. reclinata
- Campanula rapunculus var. verruculosa
In Corsica[mudificà | edità a fonte]
A campanella hè assai cumuna in Corsica. Hè an cu chjamata u fiori di campanedda[1], com'è l'altre spezie di u generu campanula. 'Ssu nome vene da u fattu chì u so fiore hà a forma di piccula campana.
Note[mudificà | edità a fonte]
- ↑ E piante di Balogna:Campanula rapunculus.
Bibliugrafia[mudificà | edità a fonte]
- Conrad, Marcella, I corsi è e piante salvatiche, avà è innanzi, 1981, Adecec
- Paulu Simonpoli, E piante salvatiche - Cunniscenze è usi, 1982, Parcu Naturale di Corsica