Cacciatappu

U cacciatappu tradiziunale

U cacciatappu hè un arnese adupratu per caccià da u collu di e buttiglie, di regula di vinu, un tappu di suveru o di plasticu, aprendu cusì u cuntenitore.

Meccanica

In u tappu hè prima avvitata una vita autofilettante, parte di u cacciatappu stessu è disposta in manera urtugunale à a leva; dopu, à a vita hè appiecata una forza assiale di trazione abbastanza forte per vince a strufinatura chì tene u tappu, caccendu lu. In certi mudelli di cacciatappu a forza di trazione hè esercitata direttamente da l’utilizatore, in altri hè amplificata per mezu di leve, è in altri ancu hè prudutta sfruttendu u principiu di a vita. À l’estremità opposta à quella di a leva, u cacciatappu prufessiunale si distingue per a presenza d’un picculu cultellu, cù u quale hè fatta un’incisione intornu à a capsula di a buttiglia per pudè la caccià è accede à u tappu di suveru.

U cacciatappu hè fattu à spessu d'acciaghju o d'alluminiu, cù qualchì volta certe parte in legnu, cum’è u manicu di i mudelli manuali.

Esistenu mudelli recenti custituiti da un mecanismu raffinatu à leva è cremagliera, u quale permette, cù solu dui muvimenti, di caccià u tappu; vista a sezzione ridutta (tonda) di l’elica di a vite d’estrazione, è u so bassu coefficiente di strufinatura esercitatu annantu à u tappu, n'hè cunsigliatu l’usu solu per i tappi in suveru; per quelli in materie plastiche o in teflon ponu nasce difficultà d'estrazione, per altru segnalate da u custruttore in u fogliu illustrativu aghjuntu à u cacciatappu.

Altri prugetti

• Wikimedia Commons cuntene imagine annantu à U cacciatappu