Ballarina

Una ballarina di legnu

A ballarina hè un ghjoculu, di regula fattu di legnu duru, chì si usa facendu la girà cù una manu o cù un lanciadori apposta à forma di conu cù una punta di ferru à una estremità.

Origine è diffusione

Una ballarina giappunesa A ballarina ùn hà una urigine bè definita; puru cusì, si cunnoscenu ogetti simili chì ricollanu sin’à l’annu 4000 a.C.; difatti, ne sò stati truvati parechji esempii in terracotta annantu à e sponde di u fiume Eufrate.

Si sà però ch’ella era un ghjoculu diffusu trà i Grechi è i Rumani; hè mintuvata, per esempiu, da Callimacu, è ancu Catone, u cunnisciutu Censore rumanu, a cunsigliava cum’è passatempu per i zitelli chì, secondu ellu, avarianu invece da evità i dadi.

I Rumani a chjamavanu «turbo» è u ghjocu à l’epica era particulare: pare chì s'ellu si disignava in terra un grande circulu spartutu in dece settori numerati, à ognunu di i quali currispundia un puntu. U scopu di u ghjocu cunsistia à fà voglie a ballarina in u centru, ghjunghjendu cusì à u puntu massimu.

À partesi di u XIV seculu si hà a massima diffusione di a ballarina, in particulare in Inghilterra, induv'ella era ancu assuciata à certe cerimonie religiose. U marti grassu si urganizavanu corse di ballarine longu e strade di e parochje è, quandu una ballarina smittia di girà, era riposta sin’à l’annu dopu.

E ballarine eranu diffuse dinù trà l’Indiani di l’America di u Nordu è di u Sud assai prima di a ghjunta di Colombu. L’Inuit, una pupulazione di u Nordu, circavanu di fà fà à e ballarine un giru cumpletu di e so abitazione, soprattuttu d’invernu.

In particulare in Giappone hè diffusa a pruduzzione artigianale di stu ghjoculu. Parechji artigiani di stu paese sanu creà ballarine «parturienti», vale à dì chì ne liberanu altre più chjuche durante u so giru.

Altri prugetti

• [(https://commons.wikimedia.org/wiki/Category:Spinning_tops annantu à [(https://commons.wikimedia.org) Wikimedia Commons].