Arctia villica

Arctia villica
Arctia villica
Classificazione scentifica
Regnu	Animalia
Imbracamentu	Arthropoda
Classa	Insecta
Ordine	Lepidoptera
Famiglia	Erebidae
Generu	Arctia
Nomu binuminale
Arctia villica Gené, 1839

Arctia villica (Linnaeus, 1758) hè una ciattula appartenente à a famiglia di l’Erebidae, sparta in Eurasia, è in Nordafrica.

Discrizzione

L’ale, cù un’apertura alare, tantu pè l’esemplari maschili chè pè quelli femini, chì si trova trà 45 mm è 60 mm, sò duie: l’anteriore sò nere o grisgicce cù tacche bianchicce, mentre quelle posteriore sò arancine è rosse cù piccule tacche nere. U pettu hè neru è l’addome hè rossu-aranciu. L’antenne sò filiforme pè e femine è pettinate pè i masci.

E crisalide, à a differenza di l’esemplari adulti, sò scarlatte, per imbiancà dopu sin’à ottene un culore più arancinu incù l’età. I bruchi sò neri cù ciuffi di peli castagni chjari, mentre a testa è e zampe sò russicce; a so lunghezza hè intornu à 12 mm.

Biulugia

Com’è l’altre ciattule, l’esemplari d'Arctia villica si ponu vede sopratuttu di notte, attirate da a luce, ancu sì e femine bulanu dinù di ghjornu. Durante a ghjurnata stanu pusate nant’à e foglie. L’adulti di sta spezia bulanu da marzu à lugliu sicondu à u locu di u so ambiente. I bruchi, di culore castagnu è cuperti à peli, si nutriscenu di varie piante erbacee, principalmente radichju (Taraxacum), platanu (Plantago), urticule (Lamium è Urtica), achillea (Achillea), rubu (Rubus), è fraule (Fragaria). Cù l’arrivu di l’invernu ibernanu, ma sò abbastanza sensibule à u ghjacciu. Si ponu vede di veranu dopu u letargu mentr'elle si nutriscenu o cercanu lochi adattati pè ripruduce si è diventà ninfe, ancu sì u mese u più cumunu hè maghju.

Distribuzione è ambiente

Questa spezia campa in i boschi è preferisce l’arie erbose è assulate, cù assai machjoni è sepe. A so distribuzione hè soprattuttu in Eurasia, da a penisula iberica in tutta l’Europa uccidentale è miridiunale, l’Anatolia, a Siberia uccidentale, in u Mediu Oriente è in Nordafrica. In Italia hè sparta in tuttu u territoriu, incù casi cunfirmati in quasi tutte e pruvince.