14 nuvembri
| Uttrovi - Nuvembri - Dicembri | ||||||
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
U 14 di novembre (oppuru nuvembre o nuvembri) hè u 318èsimu ghjornu (u 319èsimu s'è l'annata hè bisestile) di u calendariu gregorianu.
Evenimenti
[mudificà | edità a fonte]- 1633 - Guerra di i Trent'Anni: Cunquista di a cità di Ratisbona da truppe svedesi
- 1940 - Seconda Guerra Mundiale, Inghilterra: Bumbardamentu di a cità di Coventry da a Luftwaffe tedesca
- 1965 - Guеrra di Vietnam: Iniziu di a Battaglia di la Đrăng (fin'à u 18 di nuvembri)
Cultura
[mudificà | edità a fonte]
1946: Premiu Nobel pè a Litteratura per Hermann Hesse
Nascite
[mudificà | edità a fonte]- 1887: Amadeo de Souza-Cardoso, pittore portughese
- 1967: Jean-Luc Battini, attore, profumiere, fotografu francesu.
Morte
[mudificà | edità a fonte]- 1716: Gottfried Wilhelm von Leibniz, sapiente tedescu
Celebrazione
[mudificà | edità a fonte]Feste
[mudificà | edità a fonte]I Santi
[mudificà | edità a fonte]Santa Amanza. Santu Stefanu di Fiumorbu.
Amanza hè una Corsa marturiata à l'epica di Santa Divota è Santa Laurina. Altru ùn si sà.
U golfu di "Santa Manza", in fondu di a costa orientale di a Corsica, porta u nome di una cappella Sant'Amanza chì ghjera à un chilometru da u mare. In Petrusella, à 25 km d'Aiacciu, ci hè un paisolu chì si chjama "Santa Manza" per via dinù di una chjesa dedicata à a santa. In Corsica ci era altre chjese cù listessu titulu, in Santu Petru di Tenda, in Ocana, in Appricciani, è una tramezu à Montemaiò è Lunghignanu.
Etimolugia: forse da u lat. "amandus" ( à tene caru).
Nomi: Amance, Amand, Amandine, Amanza, Manda, Mandy, Manza.
Stefanu era un Corsu di i Prunelli di Fiumorbu. Frate di San Francescu, hè statu marturiatu in Terra Santa, in u 1391, cù trè cumpagni: Niculaiu di Slavonia, Deudatu di Rodez è Petru di Narbona. Una lettera mandata à i Catalani di Damascu, conta chì i quattru omi sò stati ottu anni in paese musulmanu nanzu di more pè a so fede. Certi frati, più struiti o più sperimentati chè elli, l'avianu fattu un scrittu chì vantava a religione catolica è attaccava quella di Magumettu. Elli, issu scrittu, sò andati à leghjelu davanti à u ghjudice di u lucale. Minacciati di esse tombi, anu ricusatu di rinnegà ciò ch'elli avianu lettu. Dissenu: "Ciò chè no avimu lettu hè ghjustu, santu è catolicu. Simu pronti à subì tutti i strazi è pronti à more".
Marturiati durante trè ghjorni, ùn cediinu. Anzi, si ridianu di quelli chì i facianu soffre. Allora, l'anu dati à a folla chì l'hà messi in pezzi, chì hà lampatu i so membri in una brustasgia è spernucciatu e so osse.
In u 1889, Roma hà accettatu u cultu di u Slavoniu Niculaiu è, in u 1898, l'hà stesu à l'Ordine franciscanu. Di l'altri ùn si ne parlò. Un decretu di canunizazione hà riparatu issa mancanza è assuciatu i quattru cumpagni.
Etimolugia: da u gr. "stephanos" (curona).
Casate: Stefani, Stefanacci, Stefanaggi, Stefanini, Stephani, Stephanopoli.
Nomi: Esteban, Esteffe, Estevan, Estève, Estienne, Etienne, Etiennette, Staffan, Staines, Steaphan, Steeje, Stefa, Stefaans, Stefan Stefana, Stefani, Stefano, Stefanu, Steffel, Steffert, Steffie, Stepan, Stepanida, Stepha, Stephan, Stephana, Stéphane, Stephania, Stéphanie, Stephanson, Stephanus, Stephen, Stevana, Steve, Steven, Stevena, Stevenje, Stevenson, Stevie, Stiobban.
Prutezzione: Stefanu hè u santu patrone di i funditori, cavapetre è scarpellini.[1]
In Corsica
[mudificà | edità a fonte]Ligami
[mudificà | edità a fonte]- [https://web.archive.org/web/20060422085036/http://adecec.net/almanaccu2006.pdf Archiviu 2006-04-22 at the Wayback Machine L'almanaccu 2006 di l'Adecec]
| I mesi di l'annu |
| Ghjennaghju - Ferraghju - Marzu - Aprile - Maghju - Ghjugnu - Lugliu - Aostu - Settembre - Uttobre - Nuvembre - Dicembre |