Wikipedia:Diversità

À prupositu di Wikipedia
Andà à: Navigazione, Ricerca

U principiu hè a ricerca di l'equilibriu trà i diversi varietà di a lingua corsa.

  • I varietà principali di a lingua corsa poni essa usati senza priferenza nantu à a "Corsipedia", a virsione in corsu di Wikipedia. I diversi varietà di a lingua corsa devini essa riprisentati in issa enciclopedia.
  • cum'è lingua pulinomica, u corsu hà parechji varietà, ma ci hè dinò una unità impurtanta, chì ci voli à prisirvà. Ci voli à rispittà l'ortografia di u corsu mudernu in a scrittura d'ogni variità.
  • A pagina maestra di Corsipedia hè u riflettu di issa diversità. In particulari, l'indici di l'enciclopedia cambia tutti i ghjorni: à quandu in corsu supranu, à quandu in corsu suttanu.
  • Ùn hè micca cunsideratu currettu di mudificà un articulu par cambià solamenti a varietà (suprana, suttana) di a lingua di l'articulu.
  • S'è u tema d'un articulu cuncerna solamenti a Corsica suprana, hè megliu chè l'articulu currispundenti fussi scrittu in corsu supranu; in a stessa manera, s'è u tema d'un articulu cuncerna a Corsica suttana, hè megliu ch'eddu fussi scrittu in corsu suttanu. Par esempiu, un articulu annantu à a cumuna di Lama devi essa scrittu in corsu supranu.
  • Si devi rispittà u stilu (supranu o suttanu) di u primu scrittori di l'articulu.
  • D'una manera generali, u megliu hè ch'un articulu sanu fussi scrittu in una stessa varietà di u corsu.
  • Si pò rimarcà chè issu prublemu ùn cuncerna micca solamenti a lingua corsa, ma si trova praticamenti in tutti i lingui. Par esempiu, si pò leghja a pagina currispundenti in u Wikipedia inglesu (Wikipedia:Tutorial (Keep in mind)):

"U.S. English vs. British English"