Valore d'utilità

À prupositu di Wikipedia

In economia, l'utilità marginale è, in a teoria di u valore, quella chi dice chi u valore d'un avere dipende di a sò utilità è micca di u travagliu necessariu à a so produzione.

L'economisti chi sustenenu quessa teoria sò i neoclassichi.


Marx da quessa definizione di u valore-utilità :

Pè principia, un avere, in u linguagiu di l'economisti inglesi, hè «una cosa necessaria, utile o aggradevule in a vita», un ugettu ch'omu vole, un mezzu d'esistenza in u sensu u più largu di u termine. U valore d'utilità cumu aspettu di un avere coincide cù l'esistenzia fisica di l'avere. U frumentu, pè esempiu, ha un valore d'impiegu sfarente di quella di u cotone, di u vetru, di u paperu, ecc... Un valore-utilità un ha valore chi in impiegu, è un hè realisatu ch'in u processu di consomazione. Un stessu valore-utilità pò esse impiegatu di sfarente manere. Ma a stesura di e sò applicazione hè limitata da a so esistenzia cume ugettu cu caracteristiche specifiche. In più, ùn hè solu determinatu di manera qualitativa, ma ancu quantitativa. Sfarenti valori-utilità avenu sfarente misure chi dipendenu di e sò caracteristiche fisiche ; pè esempiu, un bacinu di frumentu, un manu di paperu, trè pedi di penna. Qualchisia a so forma suciala, a richezza cunsiste sempre in valori-utilità […]. Da u savore di u frumentu, ùn si pò sapè quale l'ha produttu : un servu russianu, un paisanu francese, o un capitalistu inglese. Invece i valori-utilità sirvenu un bisognu suciale, è dunque esistanu in a squadru sociale, ùn mostranu è relazione suciale di a produzione. Pè esempiu, prendemu cume valore-utilità un avere cume un diamantu. Un pudemu dì, videndulu, chi hè un avere. Quandu sirve cume valore-utilità estetica o mecanica sopra u collu di una curtigiana, o ind'è e mani d'un tagliatore di vetru, hè un diamantu è micca un avere. Cusi, u valore-utilità, issendu independente da qualchisia forma economica, si trova fora da a sfera d'invistigazione di l'economia pulitica. […] U valore-utilità hè l'entità fisica induve una relazione economia specifica (valore di scambiu) si sprima


Paradossu di u diamantu è di l'acqua[mudificà | edità a fonte]

U paradossu di l'acqua è di u diamantu hè un paradossu natu in a teoria classica di u valore. Fù enunciata da Adam Smith di a manera seguente :

Un c'hè nunda di più utile che l'acqua, ma cù acqua ùn si pò cumprà quasi nunda ; ammalappena si pò avè nunda in scambiu. Un diamantu, à u cuntrariu, ùn ha nisunu valore d'impiegu, ma si pò a spessu scambiàlu scontr'una quantità maiò d'altre mercanzie
[2]


Referimenti[mudificà | edità a fonte]

  1. http://www.marxists.org/archive/marx/works/1859/critique-pol-economy/ch01.htm#2
  2. Ricerca annant'a natura è e cause di a ricchezza di e nazione, 1776, Adam Smith

Da vedè dinò[mudificà | edità a fonte]