Tarantedda

	A tarantedda

Euproctus montanus

Classificazioni scentifica

Regnu

Animalia

Divisioni

Chordata

Classa

Amphibia

Ordini

Urodela

Famiglia

Salamandridae

Genaru

Euproctus

Nomu binuminali

Euproctus montanus
Linnaeus, 1753

A tarantedda (Euproctus montanus) (o tarentella) hè un anfibiu chì faci partita di a famiglia di i Salamandridae. Hè longa 9 à 12 cm. Si scontra da u litturali insin'à 2000 metri. A tarantedda mangna insetti, varmi. U so culori hè giaddu o brunu.

A tarantedda hè un animal endemicu di a Corsica. Si trova in i fiumi è in i fiumiceddi pochi fondi, induva l'acqua hè pura è linda. A tarantedda un pussedi micca pulmona. Rispira par via di a peddi è di a bocca.

A tarantedda si trova guasi guasi dignalocu in Corsica, fora podarsi di a rigioni di Bonifaziu. A so prisenza hè stata mintuvata ancu à u liveddu di u mari, in particulari versu Galeria.

Esistini solamenti dui altri spezii chì facini parti di u genaru Euproctus: Euproctus platycephalus è Euproctus asper. Issi dui spezii sò ancu eddi endemichi. Euproctus platycephalus (a tarantedda sarda) hè endemica di a Sardegna è Euproctus asper (a tarantedda di i Pirenei) hè endemica di i Pirenei.

Altri nomi corsi di a tarantedda sò: u vechju, u vichjottu, u vichjettu, a buciartula acquaghjola.