Shahnameh

À prupositu di Wikipedia
Andà à: Navigazione, Ricerca
Shâhnameh

Shāhnāmé, o Shāhnāma (Persianu: شاهنامه, altirnativi ortugrafichi sò Shahnama, Shahnameh, Shahname, Shah - Nama littiralamenti "Noma di i Rè"), traduttu com'è U Libru di i Rè, hè una vasta opara puetica scritta da u pueta persianu Ferdowsi intornu à u 1000 d.C. circa ed hè l'epica naziunali di u mondu di lingua pirsiana. U Shâhnameh conta u passatu miticu è storicu di u so paesi, l'Iranu, da a criazioni di u mondu, finu à a cunquista islamica di u VII seculu.

À parti a so impurtanza litteraria u Shâhnameh, scrittu in persianu arcaicu, hè statu di fundamintali impurtanza par a rinascita di a lingua pirsiana successivamenti à l'influenza di l'arabu.

Stu vuluminosu travagliu, cunsidaratu un capulavoru litterariu, rifletti ancu a storia di u grandi imperu persianu, i so valori culturali, i so antichi riligioni (Zoroastrisimu), hè u so prufondu sensu naziunali. Ferdowsi hà cumplittatu u Shâhnameh in u mumentu in u quali l'indipindenza naziunali era stata cumprumissa. Mentri ci sò mimurabili eroi è eruini di tipu classicu in l'opara, u veru prutagonistu hè a Persia stessa. Hè dunqua un impurtanti libru par tuttu u mondu persianu-iranianu, trà u quali l'Afganistanu, u Tagikistanu è altri populi di l'Asia cintrali.

A fenici, miticu aceddu prisenti in u Shahnameh

Stu libru hè impurtanti ancu par i restanti 200.000 zuruastriani in u mondu, parchì u Shâhnameh traccia l'iniziu di u Zoroastrisimu finu à a scunfitta di l'ultimu rè zuruastrianu da parti di l'invasori arabi.

I copii illustrati di l'opara sò trà i più suntuosi asempii di miniatura pirsiana. Diversi copii rimanini oghji intatti, bench'è dui di i più famosi a Houghton Shahnameh è a Gran Mongol Shahnameh funi suddivisi in foglii vinduti siparatamenti in u XXu seculu. Un unicu fogliu (tandu à u museiu Aga Khan) hè statu vindutu par 1,7 milioni di dullari in u 2006. [1] U Bayasanghori Shâhnâmeh, una copia manuscritta (Palazzu Golestan, Iranu), hè stata inclusa da l'UNESCO in a lista di a Mimoria di u mondu.

Noti[mudificà | edità a fonte]

  1. Fini Books Magazine, Item 7

Bibliugrafia[mudificà | edità a fonte]


Fonti[mudificà | edità a fonte]

'Ss'articulu pruveni in parti o in tutalità da l'articulu currispundenti di a wikipedia taliana.