Mela granata

À prupositu di Wikipedia
(Reindirizzamentu da Punica granatum)
A mela granata
Punica_granatum
Classificazioni scentifica
Regnu Plantae
Divisioni Magnoliophyta
Classa Magnoliopsida
Ordini Myrtales
Famiglia Lythraceae
Genaru Punica
Nomu binuminali
Punica_granatum
Linnaeus, 1753

A mela granata (Punica granatum) hè un arburi fruttevuli chì faci parti di a famiglia di i Lythraceae. Hè cultivata dapoi i tempi antichi pa i so frutti è i so beddi fiori. Hè un picculu arburi chì hè altu sin'à 6 metri. Pò campà insin'à dui centu anni. Hè un arburi chì perdi i casci, ma pò accada ch'eddu i tinissi, in certi rigioni. I foglii sò lungarini è opposti, longhi da 3 à 7 cm è larghi da 1 à 2 cm. A mela granata fiurisci da maghju à aostu. I fiori sò rossi rossi è t'ani un diamitru di 3 cm. A mela granata suporta bè u fretu (sin'à -15 °C) ma si piaci di più in i loca caldi.

A mela granata hè urighjinaria di l'Asia uccidentali. Hè cultivata avali in tutti i cuntinenti è in particulari in China, in u Meziornu di i Stati Uniti d'America, in Arghjintina.

S'usani i fiori freschi di a mela granata in infusioni par luttà contr'à l'affannu.

In Corsica[mudificà | edità a fonte]

U fruttu di a mela granata

A mela granata hè cultivata in Corsica.

Citazioni[mudificà | edità a fonte]

Accadi chì a mela granata fussi mintuvata in a litteratura corsa. Par esempiu:

Tutti l’anni à a branata,
Ci era un nidu di pincionu,
Annant’à a mela granata,
Ziffa à l’orlu di u strittonu,
In a baracocca vicina,
Un antru di cardalina

Da veda dinò[mudificà | edità a fonte]