Ponziu Pilatu

À prupositu di Wikipedia
Andà à: Navigazione, Ricerca
Ecce Homo, un'opara d'Antonio Ciseri ind'eddu si vedi à Ponziu Pilatu chì prisenta Ghjesù di Nazarettu à l'abitanti di Ghjirusalemma

Ponziu Pilatu (in latinu Pontius Pilatus, saria natu in circa -10|10 nanzi à Cristu à Liò. Era prifettu, pracuratori di a pruvincia rumana di Ghjudea, à u prima seculu, da 26 à 36), veni à dì, sionti l'Anzianu Tistamentu, à tempu à a crucifissioni di Ghjesù di Nazarettu. Fù rinviatu à Roma è morsi in circa 39 dopu à Cristu, in esiliu in Vienna o à Lucerna (in Svizzara).

Pilatu pruvò senza successu di rumanizà a rigioni di a Ghjudea, pruvendu à custruiscia un acquidottu. Ma i littichi incù a pupulazioni lucali li feci trasferiscia a capitali di a rigioni da Cesarea à Ghjirusalemma, par pudè cuntrullà megliu i rivolti chì nasciani beddu suventi.

Sicondu i Vangeli, Gesù Cristu fù prisintata à Ponziu Pilatu da i rispunsevuli riligiosi ghjudei, par fà lu ghjudicà è cundannà. À l'ebbica, a Ghjudea era accupata da i rumani ed era nicissaria d'ottena una cundanna da u tribunali di u prifettu rumanu, Ponziu Pilatu. Ghjesù hè statu prisintatu à Pilatu com'è un ribeddu, fendu valè chì i so pratinzioni minacciavani u puteri di l'imperatori Tiberu. Ponziu Pilatu cumincieti tandu ad intarrugà à Ghjesù ma ùn truveti alcunu mutivu di cundanna. Vulendu evità una cundanna à morti di Ghjesu, Pilatu prununiti tandu di libarà un prighjuneri par a Pasqua ghjudeia, com'è eddu era l'usu. Ma fù a libarazioni d'un antru prighjuneri chì fù dumandata: si chjamava Barrabas.


WikiLettera

'Ssu articulu hè in custruzzioni. Pudeti cuntribuiscia à a so redazzioni.