Paglia Orba

A Paglia Orba (2 525 m) è u Capu Tafunatu (2 335 m)

Geugrafia

• Altitudine : 2 525 metri
• Massicciu : Cintu
• Pusizione geugrafica : 42° 20′ 33″ Nordu, 8° 52′ 43″ Este
• Cumune : Albertacce è Mansu
• Rifugi vicini : rifugiu di Ciottulu à i Mori (1 998 m), rifugiu di Tighjettu (1 683 m)

A Paglia Orba hè un monte di Corsica. A so altitudine hè 2525 metri. A Paglia Orba hà un culore russicciu o malvu. Hè cunsideratu aspessu cum'è a più bella muntagna di Corsica, a righjina di i monti corsi. Hè statu chjamatu dinù u Cervinu corsu. A Paglia Orba hè un pocu isulata, incù u so vicinu, u Capu Tafunatu (2 335 m) è u so tafone (30 x 12 m).

U significatu di u nome corsu hè incertu, appostu chì "orba" significheghja incurvata, ma dinù ceca.

A Paglia Orba vista da u Ponte di e Cinque Arcate in Galeria, sopra à a valle di u Fangu.

A Paglia Orba (à parte manca) vista da u Niolu. U Monte Cintu (2 706 m) in u mezzu.

Girandulate

Si ghjunghje in a Paglia Orba per u Niolu. Si parte da u rifugiu di Ciottulu à i Mori. Ma a cullata hè un pocu risicosa. Da a punta, ci hè una vista meravigliosa annantu tutte e punte di l'isula è u mare. In particulare, da u Paglia Orba, ci hè una vista splendida annantu a Punta Minuta (2556 metri), u Monte Cintu (2706 metri) è u golfu di Portu.

Ligami

• Capu Tafunatu

I monti di Corsica

Capu à u Perdatu Monte Cintu Monte d'Oru Monte Falu Monte Incudine Monte Padru Monte Renosu Monte Ritondu Monte Stellu Paglia Orba Punta di l’Oriente Punta Minuta