Munimentu di a Terra Sacra in Vignola

À prupositu di Wikipedia
U Munimentu di a Terra Sacra in Vignola

U Munimentu di a Terra Sacra in Vignola hè un munimentu di Corsica. Hè situatu annantu à a cumuna d'Aiacciu, à u liveddu di u stradonu chì và versu l'Isuli Sanguinari, à u cantu di u mari, in Vignola. Hè unu di i sei munimenti ditti di a "Terra Sacra" chì sò stati custruiti in u mondu da 1929 à 1933. Difatti, i sei munimenti, cuncipiti da u scultori Gaston Deblaize sò stati eretti in parechji loca:

  • à Arlington, in i Stati Uniti d'America: erettu in 1927
  • in Parighji, in una cappedda l'Invalidi: erettu in 1929
  • annantu à u scogliu di Guernic in Francia: erettu in 1931
  • in u paesi nativu di Gaston Deblaize, in Francia: à Cinq Mars la Pile, vicinu à Tours
  • in Vignola in Aiacciu: erettu in 1933
  • à Bois-le Prêtre: 'ssu ultimu munimentu fù erettu dopu à a morti di u scultori, in 1935, à l'iniziativa di a so moglia


U munimentu di Vignola hè un umaghju è una tistimunianza di a ricunniscenza pà i millai di corsi chì sò morti duranti à prima guerra mundiali. In cima di u munimentu, ci si trova a terra colta in dodici loca ind'eddi ci funi i battagli. Ci hè una stela annantu à u munimenti di Vignola, ind'eddi si vedini i spichi di granu. 'Ssa stela hè stata creata da Gaston Deblaize, in mimoria d' Alexandre, mortu l'ottu uttrovi 1918, à un mesi di l'armistiziu. Alexandre murì in l'attaccu di u Wallmüller ed era u cumpagnu di Gaston Deblaize, chì fù dinò unu di i cumbattanti di a guerra di 1914. 'Ssu granu annantu à a stela di u munimentu di Vignola hè un simbulu di fertilità è di rinascita. Si rifarisci à a vulintà di trasmetta u missaghju chì u sacrifiziu di tanti viti hè statu mori utili è hà parmissu di suminà un' antru avvena. Hè cusì chì tutti l'anni, l'ondici nuvembri, ci sò la ghjenti chì vani à spona u granu davantu à u munimentu di Vignola.

U munimentu di Vignola hè statu inauguratu u 30 sittembri 1933. Erani prisenti Gaston Doumergue è Ghjacintu Campiglia, u merri d'Aiacciu à l'ebbica.

Rifarenzi[mudificà | edità a fonte]

Da veda dinò[mudificà | edità a fonte]