Malmignattu
From Wikipedia
|
|||||
|---|---|---|---|---|---|
 |
|||||
| Latrodectus tredecimguttatus | |||||
| Classificazioni scentifica | |||||
| Regnu | Animalia | ||||
| Divisioni | Arthropoda | ||||
| Classa | Arachnida | ||||
| Ordini | Araneae | ||||
| Famiglia | Theriiidae | ||||
| Genaru | Latrodectus | ||||
| Nomu binuminali | |||||
| Latrodectus tredecimguttatus Linnaeus, 1753 |
|||||
 |
|||||
U malmignattu (o malmignattulu) (Latrodectus tredecimguttatus) hè un tipu di ragnu chì faci parti di a famiglia di i Theriiidae. Si scontra in tutta a rigioni di u Mediterraniu è pò essa priculosu pa l'omu. Era ancu cunnisciutu da i grechi à tempi antichi antichi. U malmignattu hè neru, è t'hà à spessu trè paghji di tacchi rossi, di i volti chjirchati bianchi o giaddi. U malmignattu hè discrittu à spessu com'è pussidendu tredici tacchi rossi. Ma esistini calchì variazioni, apposta chì pò accada chì 'ssi tacchi fussini bianchi. Ci hè un impurtantu dismurfisimu sessuali ind'è u malmignattu, postu chì a femina (8-18 mm) hè bedda più maiori ch'è u masciu (4-8 mm). U malmignattu cattura i so predi vivi par via di una ragnata abbastanza maiori è si nutrisci cusì par u più d'insetti.
U malmignattu hè vilanosu, è una pizzicatura pò ancu essa murtali. Ci vò d'andà subitu à u spidali o à a clinica. U vilenu agisci da 10 minuti à un'ora.
[mudificà] In Corsica
U malmignattu hè cumunu in Corsica. Hè ancu chjamatu a zinevra. Si scontra à spessu in u centru di a Corsica è in Pumonti. Hè più raru in Cismonti.
