Arechja di porcu
| |||||
|---|---|---|---|---|---|
| |||||
| Helicodiceros muscivorus | |||||
| Classificazioni scentifica | |||||
| Regnu | Plantae | ||||
| Divisione | Magnoliophyta | ||||
| Classa | Liliopsida | ||||
| Ordine | Alismatales | ||||
| Famiglia | Ranunculaceae | ||||
| Generu | Helicodiceros | ||||
| Nomu binuminali | |||||
| Helicodiceros muscivorus Aiton, 1753 | |||||
| |||||
L'Arechja di porcu (Helicodiceros muscivorus) hè una pianta chì face parte di a famiglia di l'Araceae. Hè una spezia endemica di a Corsica, a Sardegna è l'isule Baleare.[1]
Tassonumia[mudificà | edità a fonte]
Parechji sinonimi di Helicodiceros muscivorus sò:
- Arum muscivorum L.f.
- Dracunculus muscivorus (L.f.) Parl.
Descrizzione[mudificà | edità a fonte]
L'arechja di porcu pussede un'infiuriscenza spittaculare di culore brunu chì s'assumiglia à a zona anale di un cadaveru di mammiferu, prisintendu in particulare un spadice pilutu chì s'assumiglia à a coda di una bestia morta. 'Ssu fiore sparghje un odore pronunciatu di carogna (cavallu mortu), chì attira e mosche turchine è altri insetti, chì vanu ancu pone ci i so ovi. A rosace densa di peli ripidi in u spadice intrappuleghja 'ssi insetti, ciò chì prupizia l'impullinazione. Quandu l'infiuriscenza torna vizza omu ci trova numerose mosche morte da l'asfissia è ghjovani varmi famiti. I botanisti di u XIXu seculu pinsavanu à tortu ch'ellu si trattava di una pianta carnivora. Mentre a fiuritura, u fiore produce u calore. 'Ssa termogenesi, riprisintendu un apportu di deci à vinti gradi Celsius sopra à a timperatura ambiente, favurisce ancu l'attrazzione di l'insetti, simulendu ne u calore sgaghjatu da un animale in putrefazzione. L'odore caratteristica di u fiore pruvene per u più di polisulfuri di dimetile (in particulare u zulfuru di dimetile).
Lucalisazione[mudificà | edità a fonte]
'Ssa spezia si sviluppa dapoi u litturale insin'à in e valle di l'internu, sinu à un'altitudine di 700 metri.
In Corsica[mudificà | edità a fonte]
L'arechja di porcu hè prisente in Corsica. Hè endemica di Corsica, di Sardegna, di i Baleare.
Note[mudificà | edità a fonte]
- ↑ Gamisans (1996).
Referenze[mudificà | edità a fonte]
- Conrad, Marcella, Piante è fiori scuntrate - Plantes et fleurs rencontrées, avà è innanzi, Parcu Naturale di Corsica, 1980
- Gamisans, Jacques (1996), A flora endemica di Corsica - La flore endémique de Corse, Edisud (in francese)